مجتمع رجيمالاطباق المتنوعة

باميه باللحم المفرومه (((ولا اروع ))

بسم الله

صباحكم ///مساكم



اليوم حبيت احط طبق من اروع الاطباق اللى عملتها فى مطبخى

كلنا بنحب الباميه وانا اكثر الناس عشقا لها

طبختها المرة دى بطريقه مختلفه شوى

ولانه ما لحقت اصور استعنت بصور من النت قريبه للمضمون

اولا المقادير

نص كيلو باميه خضرا صغيرة


ربع كيلو لحمه مفرومه
بصله متوسطه مفرومه
معلقه كبيرة ثوم مفروم
4 حبات طماطم معصورة
ملعقه معجون طماطم
ملح وبهارات حسب الرغبه
بس الافضل كزبرة جافه ناعمه وفلفل اسود ناعم ورشه فلفل احمر
ملعقتين زيت ذرة
الطريقه

اولا بنحط القدر على النار ونضيف الزيت والبصل لما البصل يذبل شويه نضيف الثوم مع التقليب
بعد خمس دقائق نضيف اللحمه المفرومه ونقلب
ونخلى النار متوسطه لا هاديه ولا عاليه
خمس دقايق او سبع دقايق
وبعدها نضيف الكزبرة والفلفل الاسود
ونقلب وبعدها نغطى القدر خمس دقايق
بعدين نرفع الغطاء هتكون اللحمه قربت تستوى
نضيف عصير الطماطم والمعجون كمان مع ربع كوب ماء
ونقلب
ثم نتركهم للغليان مده 8 دقايق او عشر دقايق
فى الوقت ده بكون نزلت الباميه بعد غسلها فى ماء مغلى ولمونه علشان تحافظ على لونها الاخضر
بخليها فى الماء مده 8 دقايق او عشر دقايق
من غير ما اغطى القدر
ثم اصفيها واغسلها مرة تانيه بماء بارد

لما تتشبك اللحمه مع الطماطم بضيف الباميه
وبخلي المرقه بتاعتها مغطيه الباميه واغطى القدر واخلى النار هاديه
مده 5 دقايق
وبعدين ارفع الغطاء واضيف الملح واخليها دقيقتين على النار
ثم اطفى النار
(((ملحوظه من الافضل انك تطبخيها بالليل وتخليها لوجبه الغداء بتاع تانى يوم هتكون الذ واطعم
وممكن كمان بعد ما تضيفى الباميه تنقليها فى طاجن وتدخليها الفرن هتكون ولا اروع
كل اكله مش لازم تكون بالورقه والقلم وكل طباخه وليها لمساتها الخاصه )))
جربوها ومش هتندموا



هى هتكون شبه الطبق ده كده تقريبا والريحه مش ممكن اوصفها ليكم تجنننننننننننننننننن
وسامحونى انى ما قدرت اصورها
يسلمو حبيبتي
طريقتك روعه يا قمر
وفي انتظار اطباقك المصوره عشان تكون في اللامنقول
واااااااااااااااو بامية تجنن
انا نموت عليها رووووعة
وطريقتك ايضا تحفة
ننتظر منك المزيد يا قمر
و احلى تقييم ليك حبيبتي
مشكورة على الطريقة
واااااااااو
انا بحب الباميه جداااااااا
طريقتك حلوووه
بانتظار اطباقك المصووره

احلى تقييم