فريكة مفلفله بالفرن مع دجاج طبق بيشهي :))))
مجتمع رجيم / الاطباق المتنوعة
كتبت :
في داخلي طفلة تعشق الضحك
-
في البداية بحب أشكر إدارة المنتدى إنهم للمرة التانية خلال يوميم كنت نجمة اليوم جد شكرا كتير وهاد شرف كبير :)))))
اليوم الأكلة هاي بمووووت عليها جدا جدا زاكية يا رب الكل يجربها ويدعيلي وأي صبية بدها أي أكلة أنا جاهزة بعلمها إياها :))))
الأكلة هي فريكة مفلفلة بالفرن مع دجااااج يا رب تعجبكم حبيت أنزللكم إياها إحنا هلأ خلصنا طبخ إعملوها وإدعولي بحبكم في الله
المقادير :دجاجتين صغار مقطعين منزوعين الجلد باكيت فريكه خشنه وصلصه لنقع الجاج عباره عن زعتر ناشف ولبن وطحينه وزيت زيتون وصبغة جاج وبصلتين وكمون وملح وفلفل اسود
الطريقه بنغسل الدجاج منيح وبعدها بنضيف عليه الصلصه وبعدها بنغسل الفريكه اكتر من تلات مرات عبال ما نتاكد انها صارت نضيفه وبعد هيك بنحط علي الفريكه بصلتين مفرومات ناعم وشوية كمون وشوية فلفل اسود وملح وزيت زيتون تقريبا قدر فنجان شاي وبعدها بنخلطهم مع بعض وبعد هيك بنحط الفريكه بالصينيه وبنحط عليها الدجاج وبقاع الصينيه بنحط كاستين ماء وبغطيها للصينيه وبنحطها بالفرن اول نص ساعه على درجة حراره عاليه وبعدها ساعه على نار هادئه وبس تستوي بنحمرها وبنعمل جنبها سلطه او خيار بلبن حسب الذوق
فريكه خشنه دجاج صغير مقطع منزوع الجلد صلصة الجاج ^^
[IMG][/IMG]
هون لمن خلطنا الجاج بالصلصه^^
[IMG][/IMG]
هون لمن خلطنا الفريكه مع البصل الناعم وزيت الزيتون وكمون وفلفل اسود ^^
[IMG][/IMG]
هون لمن حطيناها بالفرن وجهزت وشويناها ^^
[IMG][/IMG]
هادا شكل الطبق النهائي فريكه ودجاج وخيار بلبن وصحه وهنا ^^
[IMG][/IMG]
دعواتكم :)))))))))
ملاك الروسان