قروب متبعات رجيم الدكتور فادي .. حياكم ..

السلام عليكم ورحمة الله وبركاته ..

حابه أبدأ بداية جديدة بحياتي ..

بداية رشاقة بداية ثقة بداية عناية بالنفس .. إلي أهملتها طول عمري ..

أول شي حابه أنبه إني بصراحه فتحت مواضيع كثيرة مو شرط هنا بعد بمنتديات ثانية لقروبات للرجيمات وأكون بجد وقتها صادقة وثاني يوم أسحب عليهم ..

لكن أوعد نفسي قبل ما أوعدكم إني ماراح أعودها وإني ألتزم بإذن الله فإلي مستعدة تعطيني فرصة وتحاول معاي عشان نوصل للجسم والوزن إلي نتمنى حياها الله ..

كل مرة أبغى أسوي رجيم عشان أسكت أهلي عني .. لكن هالمرة أبغى أسويه عشان نفسي .. ولنفسي وبس لأني أبي ألبس زي ما أبي ووأختار اللبس ولايردعني مقاسه !

وزني الحالي وصل للتسعين للأسف الكبير

لكن بإذن الله ناوية أوصله للـ 65 كيلو جرام ..

وودي هالشهر أنقص 12 كيلو .. عارفة كثير .. لكن إلي جربوا رجيم الدكتور فادي يمدحوه ونس نقصت عليه أكثر بكثير وإفتحوا النت وإقرأوا التجارب .

الوزن الحالي : 90 كيلو جرام

الهدف الأول { خلال الأسبوع الأول } : 85 كيلو جرام

الهدف الثاني { خلال الأسبوع الثاني } : 83 كيلو جرام

الهدف الثالث { خلال الأسبوع الثالث } : 80 كيلو جرام

الهدف الرابع والأخير لهذا الشهر فقط { خلال الأسبوع الرابع } : 78 كيلو

وإلي تتمنى خلال هالشهر تحقق النقصان إلي تبي تتوكل على الله وتنضم معاي ..

يومي يبدأ من الساعه 8 صباحاً .. وراح أبدأ فيه بإذن الله بداية جديدة .. ودعواتكم ..

لاتنسون وزنكم الحالي وأهدافكم ..

وهذه شعار القروب .. إلي تبي تنضم ياليت تحطه بتوقيعها .. :)

أفاآآآآآآآآ 26 مشاهدة ولا رد واحد !!

ولا عالأقل رفع !!!

موفقةحبيبتي
ان شاءالله تصلي للمثالي
طولي بالك شوي أغلب البنات ملتزمات بمسابقات بالمنتدى هون

طيب نزلي الريجيم بالتفصيل عشان يتحمسو اكثر
بس احس 12 كيلو صعبة موانك تنزليهم صعبة على الجسم يترهل وزي كذا5حلو وبالتوفيق لك
انا كان بسويه بس سمعت انه ريجيم مدري كيميائي مدري بروتيني اذاتعودالجسم عليه صعب تنزلي وزنك بريجيمات ثانية وكمان سمعت ان الدكتور اللي سواه مات عشان كذاسموه باسمه)وهذاكلام ومجردكلام مايندرى صدفه من كذبه بس بتابعكم واشوف النتايج وبالتوفيق لك ولكل وحدةبتشارك مقدما