بنات الريح
مجتمع رجيم / قصيدة وشعر
كتبت :
مامي نور
-
لعشاق الخيول أقدم :
من بنات الريح لي صفر الجفون كأنها ظبي الفلا بأجفالها
منوة الخيّال عسّه في الخيول زينها في دقها وجلالها
زينها ما شفت وصفه بالمثول الله اللي بالجمال أصخى لها
تستديرك حيلتي من كل زول ما يسخرها سوى خيالها
أذكر الله كلما قامت تجول وأحمد الله خصني بأحبالها
كأنها تمشي على قرع الطبول فتنة للي خافقها يبرى لها
ضافي القصة على الطرف الخجول تنكسر شمس العصر بظلالها
وصفها وصف السحاب اللي يحول كل عين تستخيل خيالها
أو تما الطاري على الخاطر عجول صاحبها حقيقته ما طالها
كل رجل في حياته له ميول والهواية تمتلك رجالها
كلمات: خالد الفيصل آل سعود
