جسدي يجرحني

السلام عليكم

كيفكم ان شاء الله بخير

معليش بس ودي افضفض تعبانه

طبعاً اللي فيني جسمي

تعبت ابي اضعف مو قادرة من قبل سنه ونص نزل وزني من 110 لين صار 96 وفرحت والحين رجع

والله تعبت ابي اضعف ابي استانس ابي اتدلع احس نفسي كارهه جسدي افكر اقول ودي اقطعه

ابي ليل نهار والمشكله اني ازيد بالأكل ما اقلل زوجي يقول لي عادي فيه ناس اعظم منك بس انا والله

صرت اخجل من شكلي مالبس ولا اتشيك اقول مولي بعدني صغيرة والعمر قدامي بس صرت مهمله لنفسي

مدري شقول مكتومه والله اذا ضحكت اقول في خاطري شكلي مثل الدب من جد من جد متضايقه شسوي

تعبت مو عارفه حتى شكتب مقدر اتكلم لزوجي ما ابي اقول عن نفسي كذا قدامه ما ابي اطلع من البيت

ما ابي اولادي يقولون عني دبه ابي اقوم واجلس بخفه ساعدوني

ولا اقدر اسوي رجيم لاني اذا سويت احرم نفسي الفترة اللي طافت عملت تخفيف واعمل رياضه وتمام مبسوطه

صارت عندي قناعه اني ما اكل هذا ولا ذاك بس كله راح هباءً منثورا

فكرت اسوي يوميات بالمنتدى ويمكن الاقي اللي تساعدني والله اكتب وانا ابكي شسوي ما ابي اتكلم مع احد بهذا الموضوع خصوصاً زوجي

هو مقتنع فيني ما ابي افتح عينه على اشياء واشياء

ساعدوني

أولاً : حياك الله بالمنتدى

ثانياً : مشكلتك هي نفسها مشكلة كثيرات

وكونك ما تخبرين زوجك باللي تعانين منه وما تفضفضين له

أنا معاك في هذا الشيء فضفضي معانا هينا وقولي كل اللي بخاطرك

واشتركي مع أي قروب القسم زاخر ما شاء الله

اطلعي على تجارب الرجيم الناجحة تعطيك دفعة قوية وتتشجعين

ممكن تشاركين بهذي المسابقة مدتها شهر عدا منها أسبوع ونص تقريباً

هذا الرابط

http://forum.rjeem.com/t117408-20.html#post2001067
منتظرينك

موفقة يارب

أهلابك بيننا
حبيبتي زعلتيني عليكي
خففي شوي شوي
والمنتدى فيه مسابقات كتيرمتل ماقالت قلم مضيء
اشتركي واتكلي على الله

ياقلبي انت تعتقدين ان مشكلة السمنة مشكلتك بس
لا والله اصلا في هالمنتدى كثيرولكن مو المشكلة هنا
لازم ياقلبي نتقبل ذواتنا قبل اجسامنا
فزوجك حب فيك قلبك وفكرك وامور اخرى
فماله داعي تقللي من شانك امامة
بل بالعكس لازم تردي له محبته بالاهتمام بنفسك ومافي حاجة مستحيل
انت سبق ونزلتي يعني مافي حاجة مستحيلة
ياحياتي انت ادخلي مع البنات في قروبات وفشي خلقك معهم والبنات هنا ماشاء الله تشجيعهم يرفعك فووووق
يلا شدي الهمة ونحن بنكون وياك
وقلم مضيء ماقصرت

وفقك الرحمن