شلون اسامح واثار طعونك فيني ؟؟ (قصيره بس خطيره )

مجتمع رجيم / أرشيف رجيم

كتبت : انكسار

السلام عليكم
هاذي الروايه راقت لي
وحبيت انزلها لهالمنتدى ..

شلون اسامح واثار طعونك فيني {جنااااااااااان}قصيره بس ختيره

الروايه جناااااان قصيره بس خطيره:g611:
.................................................. ........
1_بسم الله الرحمن الرحيم
الكاتب:{حطمت مقاييس الحب}
..................................
بالبدايه اتمنى تعجبكم الروايه
راح ابدى بالتعريف عن الاشخاص الي بالروايه الروايه كويتيه اول شي هاذي عايله كبيره واايد الجد والجده عندهم٧اولاد و٦بنات واهما ساكنين بفله بل قصر انا ماراح ادخل بالتفاصيل بس عندهم احفاد من كل الاعمار ومعروف البنات على اسم الجده حصه
والاولاد على اسم الجد بدر
راح اتكلم عن البطل بدر ولد الولد الكبير قبله ٣ بنات وكلهم تزوجوا والدور عليه خوقاق كل البنات الي بالفله بنات عمه خاقين عليه
شعره اسود والعيون اسود الشعر ناعم والقذله الطول والجسم والي محليه اكثر الثقل و العقل له هيبه وغير كذا رزين
وفيه برود دكتور جراحه وعمره ٢٦ البنات مايشوفهم ولا بطرف عينه
.....................................
الساعه ١٢ بالليل كل العايله بالشاليه الرجال الكبار يشوون والبنات صافات قدام المسبح ويعلقون على الشباب وهم يسبحون تقول شجون يابنات راح اعلق على كل الشباب ولا وحده تزعل عشان اخوها اوك كل البنات ...قالوا اوك ...راح ابدى بفارس دوب و كرشه وصدره متطايحان ....اخته هني طلعت عيونها شجون زعقت هيه مابعدكملت.... نايف اعصل وايد جنه مسواج الله يعافي الدشداشه الي خبت كل هذا
وليد حيل اسمر اعصل بس له كرش مدري شلون صاير الحمد لله والشكر البنات فطسوا ضحك
قالت بدر ولدخالي طلال بطلنا كل البنات فتحوا عيونهم على الاخر متحمسين شنهو التعليق على بدر قالت شجون:اممم
اووووو اييييي بعدين ابتسمت ابتسامه وسيعه وقالت لا تعليق
البنات زعقوا هيه خير شنو على كيفج انتي تسبين الي تبين واتخلين الي تبين زعقت شجون وقالت اوصصص مالكم خص وه فديته ما فيه عيب بس لو يعطينا ويه شويااخت بدر ساره
قالت ايه عشانه اخوي قعدوا يتهاوشون وعلت اصواتهم قامت ام بدر بطلنا وقالت انا استأذن راسي يعورني وبروح لبيت فزت حصه بنت راشد بطلتنا
................................
الشعر اسود طويل ناعم العيون عسلي حييل جسم روعه ورشاقه وبياض نعومه ورقه ودلع ام الانوثه اهم شي بالدنيا عندها جمالها على فكره العيون العسلي موب جذي طلعوا هبه من الله العيون العسلي عشان امها تر كيه اول ماجابت حصه تطلقت عشانها خاينه وكانت حصه اول طفل لراشد وعمرها ٢٢ بالجامعه
..................................
المهم فزت حصه وقالت انا بروح وياج خالتي فيني نوم حصه مافيها نوم بس ودها تروح
لامها الي منعها ابوها من شوفتها قال بدر اوصلج يمه قالت حصه لا بدر خلك انا اوصلها قالت حنان انا بروح وياكم فيني نوم من امس مو نايمه
...............................
حنان بنت عم حصه مثل اختها اسرارهم عند بعض عمرها ٢٢
................................
كلهم راحوا بعد سعتين جت وفاء مسرعه لم ابوها طلال
...............
وفاء اخت بدر عمرها١٧ نكمل
.................
وكانت تبجي حيل كلهم فزوا من اماكنهم يسالونها شفيج وهي ما تاخذ نفس من البجي قالت امي امي زعقوا ش فيها امج قالت سوت حادث قالوا شدراج قالت كنت داخل الشاليه ورن موبايل ابوي ورديت عليه
........................
الاغلبيه ركضوا للمستشفى والباقي للبيت بدر كان يبجي بجي غير طبيعي لان يحب امه و
متعلق وبار فيها وايد لما وصلوا وسالوالقوا م بدر بغرفة العمليات وحنان فيها ايصابات وجروح كبيره شوي بس متعديه الخطر اما حصه فكانت الطامه
.........................
اتمنى البارتي الاول يكون عجبكم انتضروني بالبارتي الثاني سلاام
{حطمت مقاييس الحب}

كتبت : انكسار

وهذا البارتي الثاني
٢_ ولاكن الطامه ان حصه ما اصيبت ولا بخدش والسياره الي فيها الحادث سيارة حصه حاولو يستفسرون ويسالون حصه عن الحادث بس كانت منهاره حييل وما ترد على اسالتهم طلعت ام بدر من غرفة العمليات ودخلت العنايه
وراحو للبيت دخل بدر لم البيت وهوه مره منهار وتعبان مر من عند غرفت سحر كانت سحر تسولف ويا جنان وتقول الي سمعه بدر(كانت بتدعم على قدام بس لفت لي جهت ام بدر وكانت الضربه عليها)
نزلت دمعه منه ورجع للمستشفى عند امه لماجاء الصبح وجاء الدكتور سأله عن حالة امه قال الدكتور والله العالم ان امك راح يجيها شلل نصفي لاكن املنا بالله كبير وراح الدكتور وترك بدر يبكي ويحلف ان ينتقم لامه فكره تجيبه وفكره توديه وقال بيصدمها من حرته بعدين فكر وقال لا والله لاعذبها بس شلون قال بنفسه اهم شي عند حصه جمالها والله لاخذ اغلى شي عندها مثل
ماحرمت امي من المشي وطلع مسرع يشري موية نار وشرها وخبها بالمخبات دخل البيت يتلفت يدورها ويفكر كيف بيكبها عليها من غير محد يدري ان هو الي كب عليها موية النار دورها وما لقها تلفت يمين شمال مافيه
ولا لقها راح للمطبخ ولقها مع عمته رنا
...........................
رنا اخر العنقود الدور عليها بزواج لاكن عانس عمرها٢٩ حنونه وطيبه حييل
......................
كانت حصه والعمه رنا يساعدون الطباخ على الغدى لتفت حصه على بدر وتقدمت صوبه وسالته تبي تاكل شي لتفت على المطبخ فيه كم بنت وعمته والخدم ومن ورا جالسين اعمامه والبنات والصاله مليانه ما يقدر يكب عليها موية النار لف عطها ضهره ومشى ولا رد عليها عمته رنا قالت خليه على راحته حصه حبيبتي روحي جيبي حقي ملح من المستودع بدر سمعها وقال فرصتي المستودع برى الفيلى
حصه راحت وبدر طلع من الباب الوراني دخل لقها واقفه وفاتحه باب الكبت اهوى فاتح طباقة موية النار حصه مانتبهة انه داخل للمستودع هورفع موية النار وكبها هي تقدمت شوي بتاخذ الملح انكبت المويه على
اخر خدهى واذنهى والمويه نزلت على صدرها وبطنها زعقت زعقه قويه وعلى طول اغمى عليها بدر علطول هرب وراح من الباب الوراني ودخل ورقى لم غرفته لا من حس ولا من دري بعد عشر دقائق نزل بدر مبدل ملابسه ولا احد تحرك من مكانه درى انهم مادروا عن حصه ( معلومه بدر مو من طبعه الشر هوحيل طيب وحنون بس هو سوى كذا من حرته على امه)
الجد سأل بدر وين رايح ان شاء الله
قال بدر عند امي قال الجد لا والله ما تطلع لين تتغدى قال بدر بس
قال الجد مافيه بس اجلس يله اجلس جلس بدر ولحضتها طلعت رنا: اوف كل هذا تجيب ملح وفاء روحي جيبي مشروب وشوفي وش بها هاذي تاخرت
بدراخذ نفس طوويل وقفت وفاء وقالت وش تشربون الي يقول عصير والي يقول سفن تنهتت وراحت كانت حييل حزينه على امها رجعت تركض وتصرخ
حصه وكانت من البكا ما تقدر تكلم الكل قام يركص متجه للمستودع بدر قام معهم عشان مايشكون فيه كان شكل الحروق مو طبيعي ابوها جلس عندها وهو مره منهار قام وشالها وهو بيطلع قال لبدر بدر تعال معنا دويها باسياره
بدر بكل برود مكتف يدينه ومتركي على الباب قال انا جراحه موب جروح وحروق الجد قال بصوت عالي سو الي تعرفه قال بدر ما اعرف لحلتها الجد قال روح معهم قال طيب بس عشان جده راح
راح بدر للمستشفى معهم ولما طلع الدكتور الكل راح صوبه قال
معليش ما اقدر اسوي عملية التجميل الكل يقول ليه قال الاصابه عند الاذن بل بالاذن ونحن نخاف ان تتضرر اكثر وراح نأجل فكرة العمليه لوقت ثاني
مر اسبوع على هذا الحزن والمصائب والبيت كله حزين ومكتئب بيوم كان بدر
بالمستشفى وفكر يروح يشوف حصه دخل الغرفه كانت بتموت من الم باذنها ويحرها الحروق
كان شكلها يقطع القلب وتبكي حيل طلع واتجه لغرفت امه
دخل للغرفه ولقها صاحيه كان بيطير من الفرحه ...اول كلمه قالتها بصوتها المبحوح شلون حنان قال زينه انتي شلونج قالت الحمد لله شلون حصه؟
ياقلبي خرعنا حصه قال شلون خرعتوها قالت
لما صار الحادث والسياره مقلوبه علينا ما عرفنا شنسوي قامت حنان دقت على
حصه بدر قال شلون يعني حصه مو معكم بالسياره قالت لا راحت بسيارت حنان عشان ابوها ما يدري انها راحت لامها
هنا بدر زي المويه المغليه او موية النار مكبوبه عليه
.................................
خلصنا البارتي الثاني ترقبوني بالبارتي الثالث
{حطمت مقاييس الحب}
انتضروني بالبارتي القادم

</B></I>

شلون اسامح واثار طعونك فيني ؟؟ (قصيره بس خطيره )

مجتمع رجيم / أرشيف رجيم

ريجيم الصيام من يبدا معي

قروب السعرات الحراريه أنشط قروب حياكم معانا