سعادتى ببنتى (قصه ولادتى )
مجتمع رجيم / موضوعات الأمومة والطفولة المميزة
كتبت :
مامت توتا
-
احلى اخوات فى اجمل منتدى
حبيت المسابقه وقولت انى سوف اشارك فيها
لانها رجعتنى لايام اد ايه جميله جدا
كان يو التلاثاء الموافق سبعه من شهر اغسطس
الساعه العاشره صباحا
كنت نائمه فى الصاله لانى كنت زعلانه مع ابو بنتى
وهو كان رايح مشوار مع واحد صاحبه المهم
لما خرج قولت ادخل انام فى الاوضه واريح ظهرى شويه
المهم وانا نايمه عادى بتقلب على جانبى الناحيه التانيه
وجدت ماء غزير واعصابى بترتعش وانا مش عارفه
ايه اللى انا فيه المهم اتصلت على الدكتور قالى تعالى حالا
بعدها اتصلت على اختى وشويه اتصلت على ابو بنتى
روحت عند الدكتور كشف عليا قالى ان شاء الله الولاده النهارده
بس لو جدناكى هتستحملى الولاده الطبيعى هولدك طبيعى ومقدرتيش
هيبقى قيصرى قولته له مش مهم المهم عندى اخلص من اللى انا فيه
لانى تعبت جدا جدا جدا جدا
المهم جاءت الساعه 6 مساء وانا عادى الطلق عادى مش سريع
زى ما كنت ما بشوف من السيدات اللى معايه
المهم جاء الدكتور وقالى الولاده قيصرى قولته ماشى
دخلت غرفه الولاده طلعت على السرير قالوا ليا اثنى ظهرى
على رجليكى علشان يعطونى حقنه البنج فى ظهرى
لانى واخده بنج نصفى لاقيتهم حطوا شاش على عيونى
زعلت لانى انا بحب اعرف ايه اللى بيتعمل
وجدت الدكتور تانى قالى انت عاوزه تسميه ايه
الدكتور اللى كنت متابعه معاه قاله يا عم يعنى انا طول
الحمل بقولها اللى بطنك بنت وانت تقولها ولد
قام الدكتور كشف عينى وقالى شوفيها
وجدت بنوته زى العسل بس بتعيط بشده
عياط خلى قلبى اتهز علشانها
وهى دى قصتى مع بنتى يوم الولاده