مورجى اور ماسورداهل !!!
مجتمع رجيم / وصفات اللحوم
كتبت :
امراة مسلمه
-
طبعا ده اسم الاكله بس باللغه الهنديه
تعالو نشوف ايه الموضوع
دى المقادير
دجاج مقطع بالطريقه المفضله لديك
بصل - ثوم - زنجبيل \\\مفروم \\\
عدس اصفر او بعض الناس يقولو احمر
ملح وشطه وكمون مطحون وكمون مش مطحون
بهارات الكرى او البهارات الهنديه او الخلطه دى >>> كزبرة ,فلفل احمر , كمون ,كركم , زنجبيل , فلفل اسود , هيل , قرفه ,ورق غار <<< ـــــــــــــــــ كل ده تريحى دماغك وتقولى للعطار عاوزة بهارات هنديه
المهم يا سيتى عصير ليمونه
ده القدر الهندى اللى بيتطبخ فيه الطبخه دى
بالنسبه للطريقه بئا
اول شئ بتغسلى الدجاج وتفرمى البصل والثوم والزنجبيل وتحضرى كل شئ وبعد كده فى قدر يكون سميك القاع تحطى معلقتين زيت وتحطى قطع الدجاج اللى عندك كده
وتقلبيهم فى الزيت لحد ما تبدا تستوى ويكون شكلها كده
وبعد كده ترفعيهم من القدر ده فى طبق جانبى وفى نفس الزيت تحطى البصل والثوم والزنجبيل وتقلبى
دقيقتين وتضيفى الشطه والكمون والفلفل الاسود والكمون اللى مش مطحون
وتقلبى خمس دقايق وبعدين تضيفى العدس
وتقلبى دقيقتين وبعدها تضيفى كوبايتين ماء او لحد ما تغطى العدس واكتر
وبعد كده تهدى النار وتغطيه وتتركيه يغلى خمس دقايق وبعدين تضيفى قطع الدجاج اللى سبق وحمرتيها فى الزيت فى بدايه الطبخه
وتضيفى الملح اخيرا وتظبطى المذاق حسب رغبتك وتغطيه وتتركيه كمان خمس او سبع دقائق لحد ما الدجاج يكون استوى تماما وكذلك العدس
وقبل لا تطفى النار تضيفى عصير الليمون والبهارات الهنديه وتقلبى
ولانه مفيش اكله بعملها الا ولازم نضيف عليها بصمه انا حطيت حبه كزبرة خضرا مع عصير الليمون وقلبتها طبعا الطعم بيختلف تماما
وبعد كده تغرفيها وتقدميها مع السلطه والعيش
ده الشكل النهائى بس التصوير والموبايل معاناة حقيقيه
وبـــالـــــــــــــهنــــــــــــــــا والـــــــــــــــــــــــــشــــــــــــــفــــــ ـاء
