عندك ارز ابيض ومش عارفه تعملى ايه ؟؟؟؟ اتفضلى ادخلى
مجتمع رجيم / الاطباق المتنوعة
كتبت :
امراة مسلمه
-
عندك ارز ابيض ومش عارفه تعملى ايه ؟؟؟ اتفضلى ادخلى
تابع لحمله سماء الابداع
كيف حالكم ياغاليات على قلبى
ان شاء الله بخير
ساعات بتعملى ارز ابيض ويتبقى عندك طبق او طبقين وبتضطرى ساعات ترميه لانه بيكون برد ومحدش بيرضى ياكله
بتحصل فى احسن العائلات
اليوم حبيت اجرب حاجه ونفعت الحمد لله
ولانكم حبيبات قلبى قلت لازم تشوفو بنفسكم
يلا بينا
المقادير
حبتين جزر مكعبات
حبه فلفل اخضر مكعبات
حبه بطاطس مكعبات
حبتين طماطم مكعبات
شويه فاوليا خضرا
بصلتين و4 فصوص ثوم مفروم
شويه بازلياء
والارز الابيض طبعا اللى بيكون باقى عندك او كوبين ارز مسلوق
نيجى للطريقه
اولا تسخنى معلقه زيت ذرة على النار وتضيفى عليها الجزر
- تقلبيه فى الزيت خمس دقايق وبعدين تضيفى البصل والثوم
وبعدين تضيفى الفاصوليا
وبعدها الفلفل
مع التقليب وتخليها خمس دقايق سوا
وبعدين تضيفى البازليا والبطاطس
وتقلبى خمس دقايق كمان
وتضيفى اخيرا الطماطم
ومعاها كمان كوب ماء ويستحسن يكون سخن وتضيفى البهارات المفضله لديك
وتهدى النار عليها وتخليها لحد ما كل الخضار تتسبك وتستوى
وبعد كده تضيفى الارز الابيض وتقلبى وبعدين تهدى النار وتخليه خمس دقايق
ثم ........
تغرفيه بالهنا والشفا وده شكله النهائى
انا عملت جنبه طبق سلطه خضرا ومكعبات دجاج محمرة وده ان شاء طبق تانى هعرضه ليكم فى قسم اللحوم
وبكده ماتخسريش اى شئ
واشوفكم على خير فى الطبق القادم
