جروب اول 10 كيلو

اثـــراء حياااكـ الله حبيبتي

و انتي مع شيخة ماشالله بتكونون متنافسين الله ينحفكم من دون ضرر يارب

يوم الربـــوع 10-4-2012

الفطور : قهـــوة بحليب

الغدا :



خضار بالصلصة + بروكلي + مااعرف اسمه الشي البني الفاتح هههه

العشا :

كيك الذرة 3 حبات + كاستين شاهي ( corn cake ) + تمرتين

الماء : لترين
النـشاط : نص ساعة مشي + نص ساعة تمارين هوائية

صباح الخير للجميع


حبيت اسالكم اذا كان لي مكان معاكم

انا طولي 158

وزني يمكن 77

راح اتبع نظام تخفيف وان شاءالله ننحف بالصحه والعافيه

اثراء حبيبتى طبعا منورانا وزى ما قالتلك اختى شيخة الميازيين انى كتير اوى انك تنزلى 10 كيلو فى اسبوعيين و كمان انتى قاسية كتير على نفسك فى الاكل و خالى بالك ممكن جسمك يجيب نتيجة عكسية لانى الميتابولزيم بتاع الجسم بتبقى بطيئة او توقف خالص لما الاكل بيبقى قليل زيادة عن اللزوم لانى الجسم كدة بيحس انه داخل على مجاعة فيبدا يدى اشارات انى ممنوع حرقا او بطء الحرق احنا داخلين على مجاعة و ربنا يوصلك لمبتغاك بصحة وعافية و احنا معاكى هههههههه

كلى ثقة انتى منورانا لو مفيش مكان نوجدلك مكان حبيبتى احنا لسه هنكتب بكرة اسم الجروب بالليل ان شاء الله يعنى التسجيل كمان شغال لحد بكرة بالليل و نبدا التحدى يوم الخميس ان شاء الله و ربنا يوفقنا جميعا و يثبتنا على الانظمة الغذائية الصحية و يبعد عنا التخبيص


و حبيتى شخابيط بنوتة و الله انتى مش مقصرة معانا خالص و يارب تفضلى شعلت الحماس فينا و ادينى كتبت الورقة و هبعتها اهو يلا بقى شدوا حيلكم انتم كمان

يا جماعة مساحة الرفع صغيرة اوى هو انا ممكن احطهم على رفع و احط الرابط و لا مينفعش

بصوا حبايبى حاولت انزل الملف معرفتش فانا هاخد المكتوب كوبى و الصقه هنا و انتم افتحه ملف ورد عندكم باسمى و خدو كوبى من الملف

عايزة اخس ليه ؟


السلبيات :-

لانى تعبانة من السمنة ظهرى تاعبنى و كمان مفاصل رجلى مبقتش قادرة اتحرك حتى لما اقوم او امشى او اقضى شوية فى البيت ببقى عاملة زى جدتى و ده بيحرجنى جدا قدام جوزى حتى لو متكلمش انا بحس بده فى نظرة عينه و علشان السخرية اللى بتيجى من اقرب الناس ليا و هما اخوات ىبيتريقوا عليا قدام اجوازهم و اخويا قدام مراته و قدام جوزى و قدام اى حد غريب لما بيضحكوا عليا و بيعابوا عليا و يقولولى انى عاملة زى الفيل اللى ناقصله زلومة ببقى محرجة جدا بدخل الحمام و افضل اعيط و غير محلات اللبس اللى حتى بمجرد ما باجى ادخل من على الباب البنات اللى هناك يسالونى انتى جايه تشترى لبس لمين لما اقولهم ليا يقولولى لا معندناش مقاسك كل اللبس اللى هنا صغير عايزة البس كويس و اعيش حياتى و اتحرك من غير تعب و برشاقة و الرشيقة حتى لو شكلها وحش لو لبست بتبقى جميلة علشان جسمها الرشيق مش عايزة حياتى تفوتنى حتى بنتى مش عارفة العب معاها لما بنروح ملاهى و لا حاجة البنت بتشوف كل الامهات بتركب مع ولادها المراجيح و لما بنتى بتطلب منى انى اركب معاها بقولها مش هينفع انا هقف هنا جنبك و هى مش فاهمه مش هينفع ليه و نفسى اللى يشوفنى يدينى سنى مش كل اللى يشوفنى ممكن يكون اكبر منى فى السن و يقلى يا امى و لا يا حجة و لا يا خالتى اه و لا الثقة بالنفس معدومة مبحبش اخرج مبحبش الناس تشوفنى لا عايزة اروح عند حد و لا حد يجى عندى منطوية على نفسى حتى الشغل مش عايزة اقدم على شغل علشان بيكونوا عايزين صور حديثة و طبعا مستحيل اروح اتصور بمنظرى ده و كتير و كتير اقول ايه و لا ايه








اما هاعمل ايه لما اخس ان شاء الله ؟

الايجابيات:-
هتكون عكس السلبيات طبعا ان شاء الله ظهرى و مفاصلى الوزن هيخف عليهم و هعرف اتحرك و امش برشاقة و خفه قدام جوزى و البس كويس على موضه و هرمى كل الاشولة اللى عندى و ادلع نفسى فى لبس البيت علشان اكون حلوة فى عين جوزى ان شاء الله و العب مع ولادى و اجرى و اركب المرجيحة مع بنتى و كمان ثقتى فى نفسى ترجعلى تانى و كمان اخواتى ميضحكوش عليا تانى و ابدا ارجع مهاراتى العملية تانى و ادور على شغل و ابدا ازور الناس و الناس تيجى عندى يعنى مهربش منهم تانى مش هتكسف من شكلى و ابان على اد سنى مش حجة و لا امى و خالتى


امنية:-
و فى الاخر بدعى يارب يارب يارب ساعدنى اوصل لخمسين كيلو بصحة و عافية و ابقى رشيقة و جميلة من جوة و من برة يعنى شعرى و بشرتى و افضل كدة طول ما انا عايشة و يارب ساعدنى انى بعد كدة مرجعش للسمنة تانى امين امين