خفوقي مجنني

مجتمع رجيم / فيض القلم
✿هَـمَسْ الـمَـشَآاعٍرْ✿
اخر تحديث


والله اني مفارق شعر الغزل
بس من شفتك وأنا ببحره غريق
كامل الأوصاف والحسن اكتمل
كملك ربي وخصك بالخليق
من كحل عينك عيوني تكتحل
وان تناظر بي يجي بعيني بريق
القمر وان شاهدك غاب وأفل
يستحي في محجر عيونك يويق
صورك ربي سبحانه وجل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل
وصرت أهوجس في قصيدي وأستريق
ليتني يازين في عمر الجهل
وليت ربي ماجعلني لك عشيق
قبل أعرفك كنت مو هاوي غزل
ومن عرفتك شب في قلبي حريق
مامي نور
راااااائع

أعجبني جدا

أحب هذا النوع من الشعر النبطي

مشكورة حبيبتي هموسة

التالي

وداعا يا حبيبتي

السابق

كيف أمل منك ... "من كتاباتي"

كلمات ذات علاقة
ميونخ , خفوقي