مغردون ومغردات
مجتمع رجيم / الحاسب والانترنت
كتبت :
امراة مسلمه
-
ان شاء الله تكونو بخير وعافية
اليوم حبيت اكتب لكم موضوع وحابه اعرف رايكم فى المضمون والاسلوب والتنسيق
مغردون ومغردات
ده اسم بيطلق على الناس اللى بيدخلوا ال الاجتماعى تويتر
كلمه مغرد جت من الشعار بتاع تويتر انه المستخدمين كانهم عصافير بتغرد
بصراحه ....رايى الشخصى .....تويتر جميل
فى تويتر الكلام بحدود كل واحد بيحاول يرسم صورته فى اضيق حدود بشرط توصل للناس
انا من خلال تواجدى عل ال ده شوفت حاجات كتير اوى
ناس كل شغلها على تويتر هو الرتويت
يعنى بيعيد كل تغريده جديده سواء عجبته او لا وممكن يكون مش قراها من الاصل
وده بئا بيكون فاتح تويتر بس تقضيه واجب
فى ناس ما بيعملش اى رتويت لاى حد
لان محدش عاجبه اصلا
داخل تويتر يسخر من الناس اللى فيه
وفى ناس بيعمل رتويت
للكلمه الحلوة او الدعاء او الذكر
بيعيد الحاجه اللى بتعجبه بس ونادرا ما بينزل هو تغريده جديده
ده بيحب يكون مستمع بس
وفى ناس بئا ما بيعملش رتويت لاى حد
بس طول الوقت بيكتب اى حاجه تخطر على باله يكتبها حتى العطسه !!
ده بئا داخل يحقق ذاته لانه بره تويتر مغلوب على امره ومحدش بيسمعه
فى ناس لا بيهتم بالقراءة ولا الكتابه كل همه بس زياده عدد المتابعين له
وطول الوقت يكتب فولو مى يعنى تابعنى وساعات يعمل
مفاوضات فولو مى اند باك فولو
[COLOR="rgb(75, 0, 130)"]ده بئا عاوز يبقى مشهور بس
[/COLOR]
انواع كتير اوى من البشر واهدافهم بتتغير
يعنى فى ناس يكونو كاتبين
ستجدنى فى مفضلتى
وتفتح المفضله تلاقيها كلها نكت واقوال معاد تغريدها
طيب نفهم ايه احنا ؟؟؟؟؟؟؟
وفى ناس يكونو كاتبين
ليس كل ما اكتبه يعنى شئ يخصنى انما اقوال راقت لى
ده عنده امانه للنقل
وفى مجموعه من الناس بيكونو مش كاتبين اى شئ
تقريبا مش مهتمين بالموضوع او ما يعرفوش هما عاوزين ايه
اما عن الاطفال فى التويتر ويامحلا الاطفال هناك
تشوف الولاد والبنات على تويتر فيهم العبقرى اللى يحسسك للحلظه انه شخص بالغ عاقل
ومنهم اللى بيحاول يتقمص الدور بس ما بتظبط معه
وفى منهم اللى عفويته وبراءته بتكون لذيذه عليه اوووى
اكثر ما يثير غضبى فى التويتر
الشخص يكون عربى وكل متابعينه من العرب
ويكتب لهم التغريدات بالانجليزى
طيب ليه القهر انت كملت تعليمك فى غيرك ماله حظ
وشخص يكون ماعنده غير السب والشتم فى الخلق
طيب لما انت كاره العالم جاى ليه هنا من اصله ؟؟؟
وشخص يكون كل همه فولو للبنات والترازل عليهم
يا اخى ارحمنا حرام عليك
وشخص مثير للغضب بشكل غير عادى
هو اللى شغال مسوق اعلانات
طول الوقت بيغرد اعلانات اعلانات
احس انه الفاصل بعد المسلسل
طبعا لو هنتكلم عن المشاهير الفنيين فى تويتر
حدث ولا حرج الا من رحم ربى
وعن المشاهير الاجتماعيين او الاعلاميين سواء مشايخ او مذيعين
فهناك مشهور لا يسعى الا لنشر الفائده احتراما لمتابعينه
وهناك من لا يهتم الا بنشر اعماله ومواعيده وتحركاته
قد يكون احتراما ايضا لمتابعينه او نوع من الدعايه السهله
الله اعلم بالنيات
وعن البنــــــــــــــــــــــات فى تويتر
مش هعرف اخلص كلام
فى البنت الرومانسيه
كل تغريداتها كلمات غزل او اغانى رومانسيه او صور رومانسيه بردو
وكل اللى بتابعهم شعراء او مغنيين
والبنت البريئه
كل صورها اطفال وزهور تكتب كلمات رقيقه لكن مؤدبه
كل اللى بتابعهم صاحباتها او شخصيات مشهورة
والبنت الشقيه
كل تغريداتها متنوعه نكت وحكم ومداعبات لصديقاتها
وكل اللى بتابعهم ايضا صاحبتها او شخصيات مشهورة
وكفايه عليكم كده الليله ولو عجبكم الموضوع هخليه متجدد باذن الله
تصبحو على خير
التالي
السابق
