مدفون دجاج بالرز بالصور من مطبخي
مجتمع رجيم / وصفات اللحوم
كتبت :
نسائم الإيمان
-
مرحبا اخواتي الغاليات بدون مقدمات راح ادخل في الموضوع
اقصد في الطبخه لأنها بصراحه
سهله وما تبغى مقدمات جبت لكم مدفون الدجاج جاني على الايمييل وجربته وعجبني مرررره
وسامحوني لانه مع هالاكله لامجال للرجيم لانه دائما الرجيمات كلها مافيها رز ومع هالاكله راح يخرب الرجيم
بس انصحكم تسوونها في اليوم المفتوح خخخخخخ
علشان محد يقول حسبي الله على نسومه
خربت الرجيم بوصفتها >>>>هذا وانتي قلتي بدون مقدمات اجل لو حاطه مقدمه متى راح تخلصين
المهم نجي للوصفه وهي طبعا تناسب الموظفات اللي مثلي اللي ترجع للبيت وتطبخ وتنفخ لانها ماتبي شغل كثير
بسم الله نبداء المقادير :
اول حاجه قدر الضغط واتوقع انه معروف وهو اهم حاجه في الطبخه ـ رز ـ دجاجه ـ بصل مقطع جوانح
ـفلفل بارد مقطع حلقات ـ ثوم مقشر بدون تقطيع ـزيت زيتون بهارات مشكله وفلفل اسود وفلفل احمر مطحون
ـ قرفه مطحونه ـ ملح ـ شوية هيل مطحون ـ كركم وكثري شويه علشان تكون اللون في الاخير اصفر مع بني
حطيت شوية زيت في القدر وفوقه البصل وحلقات الفلفل والثوم مثل ماهو بدون تقطيع
نزعت الجلد لاني مااحبه وتبلت الدجاجه بالبهارات اللي عندي ويفضل لبس القفازات
حتى ماتتلون اليدين من الكركم
وحطيته في القدر فوق البصل وقفلته بدون مويه لاتحطون ولانقطة مويه هي راح تستوي من حالها
انا اول مره ماصدقت وحطيت شوية مويه وماضبطت صارت مويتها كثيره وماضبطت الاكله
واللحين اقول لكم بدون مويه يعني بدون مويه
وحطيته على النار لمدة خمس دقائق او تزيد حتى بديت اشم ريحت البصل تحمر من الزيت
مو احترق على حسب البوتجاز اللي عندك وبعدين قصرت على النار وخليته يستوي
على اقل من مهله تقريبا اخذ نصف ساعه
سلقت الرز وخليته نصف استوى يعني بس يبي له بخار علشان يصير مستوي مره
وفي هالاثناء قطعت سلطه
شوفو كيف الدجاجه ذابت يمممممم اهم حاجه مايكون فيها مرقه
والبصل يكون صار لونه بني اذا لقيتي مرقه خليه شويه على النار لحد ماتتبخر ويتحمر البصل
حطيت عليها الرز المسلوق سكرت عليها علشان الرز يكمل استوى
على البخار ويجي فيه طعم الاكله وخليته يمكن عشر دقايق
وهذا الشكل النهائي كاني تعبت وكشنت وسويت حشوه
وانا ماسويت شي طالع شكلها لذيذ ومتعوب عليه
وهاذي صوره ثانيه من قريب
اتمنى تعجبكم الوصفه ولاتنسوني من التقييم والردود الحلوه
استودعكم الله الذي لا تضييع ودائعه