احساسى بالقهر

ياريت حد يقولى هو اللى انا حسة بية عادى ولا اية
انا مبقتش احب زوجى
وحسة انى غلطت لما اتجوزتة
انا كنت بحبة كتير قوى الاول وعشان هو كان عارف كدة كان بيستغل النقطة دى كتير لانة عارف انى مستحيل اسيبة
فى اول زواجنا كنت بغلط غلطات عادية لالنى كنت فى بداية زواجى لسة بتعلم وكان شى جديد علية بس كانت كل محاولاتى انى ارضية لانى كنت اموت فية
بس المشكلة انة كان على حاجات تافهة يعمل مشكلة كبيرة وكان يجيبلى امة ويعد يحكيلها ويجيب اهلى ويشكلهم ويقولهم انا مش عايزها خدوها مش عايزها تبات فى البيت الدة واعداتحايل علية وابوس ايدة عشان يخلينى وفى مرة من المرات وفى حضور اهلة واهلى حلف علية ما ابات فى البيت ونزلت نمت عند سلفتى عشان ماوقعش حلفانة بس عشت الليلة ذليلة ومقهورة ومن كتر ما الحاجات دى على حاجات تافهة جدا مكنتش بعرف هو انا غلطت فى اية وعشان كنت لسةصغيرة ومعنديش خبرة فى الحياة كنت بصدق واغلط نفسى واهلى فكروا فى حاجات بعيدة من كتر تفاهة الاسباب
المهم كل مرة كانت بتعدى انى اتحايل علية وابوس ايدة ورجلة علشان ارجع بيتى واعيش ومحدش يسمع بية
المهم انى فضلت سنة قبل الزواج بدون خلفة فى السنة دى حماتى لففتنى على دكاترة كتير قوى علشان اتعالج مع انى بشهادة كل الاطباء سليمة ومش محتاجة علاج
اخر مرة ودتنى عند دكتورة مشيت مع الدكتورة شوية وبعدين قولتلهم كفاية كدة انا مش عايزة اروح لها قاموا روحنى عند اهلى والمرة دى فضلت يومين اتحايل علية انى ارجع وحسيت انى اتخليت عن كرامتى بس فى الاخر اشترط علية انى اكلم امة واعتذرلها مقابل انة يرجعنى بيتى عشان بس قولت مش عايزة اروح للدكتورة المهم كلمتها وقولتلها انا اسفة ورجعت البيت بامر من حماتى ورحت ادعى ربى ان ينصرنى ويرزقنى بازرية الصالحة وكنت ابكى فى دعائى كثيرا لان ينصرنى ربى على من ظلمنى واستجاب لى ربى ومعداش علية الشهر دة وكنت حامل
اخر مشكلة كانت عشان شحنت اللاب توب بشاحن غير شاحنة الاصلى مع عدم ادراكى لهذة الامور قالى والله ماانتى بايتة فيها الدة وكان رد فعلى انى انهارت ووقعت على الارض وانا ابكى وزى كل مرة بعد محايلات كتيرة فضلت فى البيت

كل الحاجات دى حعلت عندى شعور بالظلم والقهر لا انساها طوال حياتى جعلت عندى شعور بالندم انى تخليت عن كرامتى
عندى احساس انى مبحبش زوجى وانى مش حسامحة طول عمرى بالرغم ان عدى على الحاجات دى اربع سنين
بس بجد انا عايشة بأحساس بالقهر والضياع لا يوصف بالرغم انى عايشة معاة وانا احاول ان ارضية وارضى اهلة
بس انا عايشة دائما فى حزن ولا اشعر بطعم السعادة ابدا

وياريت متقولوليش عيشى لنفسك واخرجى ودورى على اهتماماتك لانى حياتى اصبحت ملكة لا افعل الا ما يريد وغير مسموع لى بالخروج

يايت تنصحونى وتدعولى

اسفة انى اكون طولت عليكم بس حاولت اختصر على قد ما اقدر