تجمع المصريات بالغربة لنزول الوزن قبل رمضااااااان

السلام عليكم
مساء الخير عليكم يا حلوين
معلش اتاخرت عليكو شويه مشغوله فى امتحانات الاولاد و بنتى الصغيره تعبانه الله يشفيها يارب هى و اخوها دعواتكم
و اخيرا ناموا
بس لازم انا كمان انام لان لما بسهر مش بقدر اقوم للفجر
المهم اليوم اول يوم ما شاء الله عدى على خير الى حد ما
الفطار: شاى بحليب بدون سكر قطمه صغيره جدا كيك بس ما عجبنى فاخذت واحده ضغيره معمول : (
الغداء : 2 بيضه و ربع رغيف و خضار
العشاء : كان اكل من بره كان دسم بصراحه مكرونه صينى مليانه زيت كده و قطع سمك مشوى بس عليه زيت برضه مش عارفه ازاى
المشكله لما تبقى فى عيله لازم تاكلى زيهم انا حاولت اقلل على قد ما اقدر و شربت بعديه علطول شاى اخضر بالجنزبيل و شربت شاى اخضر بعد الغدا برده
و قبل ما انام طلعت شويه السلم و نزلت ما عدتش كام بس طبعا ركبتى وجعتنى فبطلت
و مياه بقا على قد ما بقدر
تفتكروا فيه امل؟؟

ايه يا بنات انتوا فين شكلكم كده كلكم ملخبطين الدنيا و نازلين اكل : ))
انا فطرت نسكافيه بلبن من غير سكر وواحده معمول
و الغدا بيضه و ربع رغيف و سلطه بس بحب دايما مع البيض جبنه حادقه فاكلت مش معاه شويه ضغيرين
و العشاء بقا دايما بيبقى جاااااامد لان دى الاكله اللى بنتجمع عليها كلنا و بيكون زوجى جه من الشغل
كان فته و كوارع و رز و جلاش بالحمه اكلت بقا و حاولت التقليل على قد ما اقدر و عملت الاكل باقل كميه دسم ممكنه

انا جييييييييييييت وحشتوني اوي ازيك يا لولو وام سما وكلمة صدق يار ب تكونوا بخير معلش الكمبيوتر كان بايظ اليومين اللي فاتوا انا بصراحة ماقدرتش اني استمر على القسم في اليوميات التانية لان الموضوع والله عملي ضغط نفسي كبير وتوتر كده وانا مش ناقصة اصلا فقولت ارجع تاني واخليها تخفيف ورياضة وسوائل والتزااام اكتر وربنا يعنا ان شاء الله.