صينية الدجاج بالخضروات من مطبخي
مجتمع رجيم / وصفات اللحوم
المقادير
بالنسبه للمقادير انا ما عندي مقدار معين لاي شي يعني بتقدري تضيفي شغلات وتحذفي شغلات طبعاً حسب عيلتك وشو بحبوا اكيد لانهم في الاخير همي الي رايحين ياكلوا ولازم تراعي هذا الشي كثير
*دجاجه وزن ما بين 1.800 و2 كيلو انا هيك بحب الدجاج ما بحب لصغير كثير مقطعه الى 8 قطع طبعا انا بنقع الدجاج قبل الطبيخ ساعه كامله بالخل
*4 حبات كوسا خضراء + حبتين كوسا صفراء حسب الرغبه طبعا
* كميه من الجزر الصغير + 4 فصوص ثوم + 1/2 قرن فلفل حسب الرغبه +5 حبات مشروم + 2 حبة بصل كبير
* 5 حبات بطاطا مقطعه
* زيت زيتون حسب الرغبه
* 2 ملعقه كبيره ملح او حسب الرغبه + 2 ملعقه كزبره +بهار دجاج شوي + زنجبيل مطحون + شطه حمرا بس مو كثير + سماق + عصفر او كركم + القليل من البهار المشكل + ورق غار طبعا انتي بتضيفي وبتقللي حسب احتاجاتك واحتياجاتك طبختك
طريقة التحضير
* بنحضر صينية وبنوضع فيها الدجاج وبنقوم بخلط البهارات مع بعضها البعض وبنرش نصف الكميه على الدجاج مثل ما انتو شايفين هان
* بنضيف الخضار على الدجاج طبعا ما في شرط في ترتيب الخضار وبنضيف بقية البهارات وبالنهايه بنضيف زيت الزيتون
* بنغطي الصينيه بورق القصدير او ورق الالمنيوم " نفس الشي " وبنوضعها بالفرن لحتى تستوي
* بنطلعها من الفرن وبنشيل ورق القصدير وبنحمرها وبنقدمها ساخنه طبعاً بتضيفي المقبلات الي انتي بتحبيها جنبها مثل اللبنه ، سور كريم ، وما بننسى الخبز
وهاد شكلها النهائي والف صحه وهنا تفضلوا يا قلبي