يومياتي للوصول إلى وزن - 60 كلغ - الجزء الأول لمدة شهرين

السلام عليكم ورحمة الله وبركاته

كيف حالكم يا أخواتي

جدا فقدتكم وفقدت دا المنتدى الرائع وأيامي الحلوة فيه

كان آخر مرة دخلتو من فترة طويلة يمكن سنة سنتين من زمان مرا

للي يعرفوني وتابعوني زمان قدرت بفضل الله أنحف وأوصل إلى 58 وكان باقي لي على المثالي 8 كيلو

بس حملت وكان وحمي في الأكل وزدت

وبعد الولادة قدرت أنحف وأوصل إلى 60

ورجعت سمنت تاني

مريت بظروف عائلية صعبة جدا

أثرت عليا كتير وتعبتني نفسيا

وكنت أحط حري في الأكل

كان صديقي الوحيد

دحين سمنت مرا وسار وزني 72 للأسف

وليا فترة طويلة تركت الرياضة رغم إني أحبها مرا

لكن ظروف وكسل واهمال كلو مع بعض

داك اليوم جلست جنب زوجي وقال لي شكلك دحين

فكرني بشكلك بعد الولادة

وهو صادق لأني سرت نفسي وزني بعدما ولدت بنتي

كل شي سار ضيق عليا وعندي كرش كبيييرة تفشل

لكن الأكل لازال أهم شي عندي تعبت وأنا أحاول أقنع نفسي أقلل من الأكل

دحين قررت أني أفتح لي يوميات وأكتب فيها يومياتي

وأفضفض فيها

واتمنى من الله إني يساعدني ويعينني

.................................................. ..................

ليا اسبوع تقريبا أمشي في الصبح والليل رغم إني أحاول ألتزم في الأكل

إلا انو لازم وجبة تكون ام التخبيص كلو

.................................................. ..............

الخطة هي

من يوم 15 - 7 حتى يوم 15 - 8

أتمنى إني أقدر أنزل 5 - 7 كيلو من وزني

الوزن : 72 طبعا لمن قست كنت توي ماكلة ومع الملابس فممكن يكون أقل

الهدف : 67 - 65

الريجيم : تخفيف = السعرات

الرياضة : مشي في الصبح والليل الوقت اللي ربنا ييسره سواء نص ساعة او ساعة

................................................

الخطة كاملة رح تستمر شهرين - دا الجزء الأول -

أتمنى في خلال شهرين أوصل لوزن 60 - 59

وبعد كدا رح أفتح الجزء التاني

ورح يكون شهرين ونص - 3 شهور

أحاول بعون الله أنقص 10 كيلو من الوزن

أتمنى من الله إني أشوف وزن 49 لأول مرا في حياتي واني اثبت عليه يا رب

................................................

اللي حابة تكون معايا حياها الله

نتشجع سوا

ونفسي دي المرة أحقق دا الهدف وأفرح زوجي المسكين