رجيم الاناناس والكيوي لمدة اسبوع

السلام عليكم ورحمة الله وبركاته

من غير مقدمات انا ببداء هالاسبوع رجيم الاناناس والكيوي وراح يكون لمدة اسبوع واحد فقط
بعدها راح ابداء يوميات ورجيم اخر.. وبهالطريقه ان شاء الله ينزل الوزن وماراح يكون فيه ملل
ابد ..باذن المولى .. والله ينحفنا على خير .ياليت الاقي وحده او ثنين يشاركوني النظام .
اليكم الرجيم

الريجيم يعتمد على عصير الاناناس والكيوي
وطريقة العصير كالتالي :
كاس عصير اناناس بدون سكر او مواد حافظه( اللي اعرفه سيزر وندى ويقولون فيه انواع كثيره المهم بدون سكرررر)
حبتين كيوي مقشره ومقطعة
عصير ليمونه (وممكن يحذف )
وبالخلاط لحد مايختلطو مع بعض
(( العصير يؤخذ بدل وجبة العشاء في كل الايااااام ))
والنظام للفطور والغداء كالتاااالي :
اليوم الاول والثاني :
الفطور : نص تفاحه + قهوة او نسكافيه او لاتيه بدون حليب او سكر (وممكن سكر ريجيم )
الغداء :تفاحتين
العشاء >> مثل ماقلنا بالاول عصير الاناااناس والكيوي
اليوم الثالث والرابع :
الفطور: نص علبة زبادي +قهوة او نسكافيه او لاتيه بدون حليب او سكر (وممكن سكر ريجيم )
الغداء : علبة ونص زبادي
العشاء >> مثل ماقلنا بالاول عصير الاناااناس والكيوي
اليوم الخامس والسادس :
الفطور : قهوة او نسكافيه او لاتيه بدون حليب او سكر (وممكن سكر ريجيم )
الغداء : خس بأي كمية
العشاء >> مثل ماقلنا بالاول عصير الاناااناس والكيوي
اليوم السابع والثامن:
الفطور :قهوة او نسكافيه او لاتيه بدون حليب او سكر (وممكن سكر ريجيم )
الغداء : 2 صدر دجاج او نفس الكمية لحم (مسلوق او مشوي بدون جلد او زيت)
العشاء >> مثل ماقلنا بالاول عصير الاناااناس والكيوي

اللي حابه تنضم لي تكتب الوزن والهدف اللي تبي توصل له
طبعا انا وصلت الى 88 قبل فتره وللاسف رجع وزني
الى 92 وطبعا هدفي اني ارجع لهالوزن
بياناتي
الاسم : دبدوبه ورديه
الوزن :92
الهدف لهذا الاسبوع 90
وباذن الله وحوله وقوته ثم تشجيعكن سوف اصل لمبتغاي

اي نسيت لاقولكم بنات هذا الرجيم ..تقول صاحبته ينزل 10 كيلو بالاسبوع
اذا اتبعتيه بدقه مع التمارين لمدة نصف ساعه على الاقل
طبعا انا مانيب حاطه 10 كيلو براسي هالاسبوع .. ان نزلت 2 او 3 تعتبر
نعمه من الله .. وانا راح ادخل خيار او خس في حال جعت بين الوجبات
وراح امشي لمدة 45 دقيقه واوربت 15 دقيقه مع تمارين لصدر واليدين
15 دقيقه وبحاول اجرب الدرج بس ماتوقع انن اصمل عليه
ايضا راح اشرب زنجبيل كمان راح اشرب منقوع الكمون واليمون
وشاي زنجبيل مع قرفه طبعا مو بنفس اليوم راح يكون كل يوم نوع
بس الكمون واليمون يوميا ان شاء الله
وطبعا هذي اول مره اللي اشرب اعشاب مع الرجيم وان شاء الله
تنفع

بالتوفيق
وان شاء الله توصلي للجسم المثالي

دبدوبه


الله يوفقك يارب

وبدخل نهاية الاسبوع اطمئن عليك واشوف نزولك

يعطيكم العافيه اختي دينار .. وام عزوز
وانتظرك ام عزوز نهاية الاسبوع بس لاتنسينا من
دعواتك الطيبه الله يوفقنا حنا وياك وجميع المسلمين

هلا غاليتي دبدوبه

ان شاء الله نجرب الريجيم كم يوم انا وانت ونوقف بعدين

حتى مايبدأ يؤثر علينا .. وان شاء الله خير ..

انا بدأت من اليوم وربي يعيننا على التقشف هههههه


فطوري كان :

نصف تفاحة بس اضفت عليه حبة توست بر ونصف كأس حليب .

ان شاء الله ألتزم في الغداء والعشاء

مشوها لي هالمرة .. خخخ