موضوع محيرنى واسئله مدوخانى ...................فى فن الاتيكيت

مجتمع رجيم / التنمية البشرية وتطوير الذات

كتبت : قلبى بيسال عليك

موضوع محيرنى

واسئله مدوخانى

فى فن الاتيكيت وتقديم الهدايا وفى العزومات
...................فى الاتيكيت 25568a7260.gif

كتير بتعرض لمواقف مش ببقى عارفه اتصرف ازاى
1- بعنى لو عامله عزومه والضيف جاب هديه تتفتح قدامه وقدم الشكر ، والا بعد ما يروح ابقى اشكره
2- ولو الهديه ده حلويات او فاكهه المفروض اقدم منها والا لا
3- لو عندى ضيوف والمفروض انى ابتدى بالتقديم بالاكبر سنا والا من جهه اليمين بصرف النظر عن الاول فى التقديم
...................فى الاتيكيت a9588ba444.gif

...................فى الاتيكيت a9588ba444.gif

وبعد ما اقدم مثلا لحماى او كبير العيله اقدم لام او الحماه بصرف النظر عن دور الناس اللى موجوده :(
4-لو داخله مكان وجايبه هديه اقدمها للى يفتح الباب والا استنى
...................فى الاتيكيت 3c6f7986bf.gif

...................فى الاتيكيت 3c6f7986bf.gif

صاحب المنزل واضعها على ترابيزه واسكت والا اقول ايه
5- لو هراكب العربيه مع جوزى وموجود الاب والام وانا مين اللى يركب قدام
...................فى الاتيكيت 6048c5db54.gif

ولو الزوجه والحماه الام فقط مين يجلس بجانب الزوج
ولو الاخ الاكبر والزوجه
ولو الزوجه والحماه الاب

اسئله كتير بنتعرض ليها فى العزومات والزيارات العائليه اللى عندها الرد تفيدنا افادها الله واللى عندها اسئله تانيه تضعها ونحاول نجاوب عليها ونستفيد ايه رايكم

لاتنسى ذكر الله لااله الا الله : سبحان الله وبحمده سبحان الله العظيم

كتبت : سحر هنو

موضوعك رائع ومهم

على حسب علمى وخبرتى فى بيتى

اولا لما الضيف يجيب هدية الافضل انها

تتفتح امامة وتظهرى اعجابك وتشكرية عليها

الهدية لو فاكهة مبقدمهاش لو حلويات بقدمها

اما التقديم طبعا الافضل من اليمين وليس بالكبير لان لو الكبير قاعد بعيد

بتبقى هرجلة لكن اشيك البداية باليمين و لو قدمتى للكبير الاول ومامتك

موجودة وحماتك لو بداتى باليمين يبقى مش حيبقى فية مشكلة لكن

لو خيرتى بين الاثنين تبداى بالحماة

عند دخولك فى الزيارة لاحد ومعكى هدية على حسب لو سيدة المنزل

هى اللى فتحت بتعطيها لها لو حد تانى بتدخلى وتضعيها امامك ومتقوليش حاجة

المفروض لو معاكى الاب والام بتتركى الاب يجلس امام وانتى تجلسى مع الام ورا

اما لو معاكى حماتك او امك بتعرضى عليها الركوب اما وافقت خلاص موفقتش خلاص

لو الاخ الاكبر معاكم لوحدة بتركبى امام لان مش مفروض لما يكونوا اتنين رجالة وست واحدة

يبقى هى اللى تركب امام اما الزوجة لو تقصدى بيها حماتك وحماكى

لو معاكى الحماة الاب هو اللى بيركب امام لو الحماة الاب معاكى

هو اللى بيركب امام ودة لانة بيبان كبر السن

اتمنى ان تكون افادتكى اجاباتى ويمكن يكون فيها حاجة غلط

لكن انا بقول اللى اعرفة واللى اكتسبتة من العزومات

كتبت : honey

موضوع حلو

و أجوبك إن شاء الله حسب تصرفي أنا...

مع ملحوظة أن الإتيكيت ممكن يتغير من دولة إلى إخرى

بعنى لو عامله عزومه والضيف جاب هديه تتفتح قدامه وقدم الشكر ، والا بعد ما يروح ابقى اشكره

اذا شخص من الأهل و واخدين على بعض كتير مش مشكلة تفتحيها قدامهم و ممكن هم يقولولك افتحيها و قولي لنا رأيك

اذا أشخاص بعاد شوية أفضل أشكرهم و أفتح الهدية أول ما يمشوا خخخخخخخخ:biggrin:

- ولو الهديه ده حلويات او فاكهه المفروض اقدم منها والا لا

طبعا لازم تقدمي منها حتى لو انت عاملة أو جايبة حلويات

- لو عندى ضيوف والمفروض انى ابتدى بالتقديم بالاكبر سنا والا من جهه اليمين بصرف النظر عن الاول فى التقديم

الضيوف قبل أصحاب البيت

ممكن تبدأي بالأكبر سنا اذا كان فيه شخص كبير أو عجوز

أو تمشي تقدمي حسب ما هم جالسين من اليمين و بالترتيب

وبعد ما اقدم مثلا لحماى او كبير العيله اقدم لام او الحماه بصرف النظر عن دور الناس اللى موجوده :(

الأفضل انك تمشي بالترتيب

4-لو داخله مكان وجايبه هديه اقدمها للى يفتح الباب والا استنى ...

ضعيها على الترابيزة اذا مكسوفة تعطيهم اياها في يدهم

لما يقولولك ليه مكلفة نفسك قولي لهم دي حاجة بسيطةwhistling

- لو هركب العربيه مع جوزى وموجود الاب والام وانا مين اللى يركب قدام

ولو الزوجه والحماه الام فقط مين يجلس بجانب الزوج
ولو الاخ الاكبر والزوجه
ولو الزوجه والحماه الاب

اذا كان الوالد أعتقد تخليه يقعد قدام علشان رجل كبير...
الوالدة....مثل ما قالت بنت اسكندرية...

:)

كتبت : سعادتى فى رضا ربى

بصى انا قرات ان فى الاتيكيت لازم نفتح الهديه قدام صاحبها
وطبعا نمدحها حتى لو مش عجبانى

ولو الهديه حلويات بقدم منها
اما لو فاكهه فلا

واما الهديه فتقدم لصاحب المناسبه فى يده مع التهنئه

اعتقد ان باقى الاسئله انا متفقه معاهم فيها

علما بان خبرتى صغيره جدا لانى لم اتعرض لهذه المواقف

موضوع محيرنى واسئله مدوخانى ...................فى فن الاتيكيت

مجتمع رجيم / التنمية البشرية وتطوير الذات

الفرق بين الشخص الإيجابي و السلبي

من يريد تحقيق السعادة الابدية فليدخل هنا