من معايه يسوي رجيم لنهاية رمضان.. ؟

حبيبتي استمري يا قلبي

و انصحك تنضمي لاي قروب من القروبات الموجوه في المنتدى

فكرت القروبات مرة حلو و تشجع الواحده و تخاف انها تخبص عشان باقي البنات

سلاااااااااااااااااااااااام

أهلين حبايبي وحشتوني اشتقت للمنتدى ولكم كلكم أش أخباركم ان شاء الله تمام ....... حبيبتي سماء أش أخبارك ما شاء الله عليك عزيمتك تعجبني الله يوفقك يارب بس تراك تقسين على نفسك كثير وباقي عن المدرسة وقت كافي عشان توصلين لمرادك ...... وحبيت أسالك عن الشاهي اللي تشربينه مقبول نوعا ما والا طعمه شين ؟

أهلين بندوره حبيبتي ان بسطت كثير بانضمامك مع بعض .. خلاص نشجع بعض ونتحدى بعض وكل فترة بسال عنك وأوعدك أني أعلمك أيش يصير معايه ... بس أبغاك تلتزمين معايه ونصير قروب ... ترى السمنه مرض والله مرض ولا في شي بهالدنيا يستاهل نخسر صحتنا او على الاقل نشوف انفسنا قدام المراية ونقول وااااااو كيف كنا وكيف صرنا صدقيني حبيبتي بندوره ترى الرشاقة فيها راحه نفسية وعاطفية بشكل ماتتخيلينه أنا كنت نحيفة بداية زواجي وكنت مرتاحة حتى كنت اسمع من زوجي الكلام الحلو والحين والله بعذره زوجي يقسى عليه لان الفرق واضح عشان كذا لازم تقوى عزيمتنا

أهلين مي الله يوفقك انت وأم ديومه والله ماتتخيلين قد أيش يسعدني مروركم على موضوعي ولتشجيعكم لي .....؛ الله لا يحرمني منكم ولا من كل من يمر على موضوعي ويشجعني ااو يسوي معي قروب او حتى يدعيلي بظهر الغيب

حبيبتي (سارونه المزيونه)كيفك أنا ان بسطت جداً بدخولك معي في الرجيم انتي و(مرحه دوم )حبيبت قلبي ولا أنسى (بندوره) العسل أنا هدفي الشهر الاول 10 كيلو وكل اسبوع نظام غذائي مختلف طبعا أنا نزلت الاسبوع الاول وان شاء الله يوم السبت اروح للدكتورة وأوزن واوافيكم بالأخبار ويوم السبت حتعطيني نظام جديد وان شاء الله انزله لكم بس ياليت أنكم انتوا كمان توافوني باخباركم....ولا تنسون المشي يوميا ساعه لكم مني كل الحب والتقدير

سلام ياحلوات .... كيفكم .... هذا اليوم الثالث لي في الرجيم7/29 والحمد لله ملتزمة بالحمية فطوري حليب دايت وشابورة بر والغدا كان صدر دجاج مع خضار وسلطة خضراء وفي العصر تفاحة ومشيت ساعة وعشايه ان شاء الله حيكون زبادي اكتيفياوالمعنوية مرتفعة والحمد لله