انا اول مرة اعمل رجيم فى رمضان
بس من كل اللى سمعته وقريته ان افضل حاجة انك تلعبى الرياضة قبل الفطار بساعة
وتبدى الفطار ب3 تمرات مع شوية لبن خالى الدسم وبعدين تصلى المغرب
ولما ترجعى بقى للفطار الأساسى تبتدى بالشوربة لأنها بتعتبر كتنبيه للمعده علشان تبدأ تشتغل
وبعدين طبق السلطة لأنه غنى بالألياف وممكن اساس تشبعى لما تخلصيه
وبعدين تنتقلى للبروتينات واللى هيه إما فراخ أو لحم أو سمك مشوى أو علبة تونة صغيرة او 2 بيض مسلوق
وبعدين لو فيكى نفس تاكلى لسه وده احتمال ضعيف يوم كلى خضار نى*نى ويوم كلى 5 ملاعق مكرونة أو 4 أرز أو نصف رغيف
وبعد صلاة التراويح تاكلى فاكهة 2 بس ماشى ولو نفسك أوى بقى فى اى حلويات ممكن تاخدى قطعة صغيرة كنافة أو 2 قطايف أو 2 بولة آيس كريم أو كوب صغير قمر الدين أو أى عصير بدون سكر
وعلى السحور خففى وحاولى الوجبة يكون فيها فول لأنه بيملى المعدة ويحسسها بالشبع وممكن كمان سلطة لنها زى ما قولتلك غنية بالألياف
وطبعا الميه براحتك وكل ما كترتى كل ما كان احسن بس طبعا ما تضغطيش على نفسك لغاية ما تنتفخ معدتك
وده اللى ان شاء الله ناوية أعمله وفى موضوع ليه مكتوب فيه الرجيم بالظبط وهوه منقول من دكتور سمعته فى فيديو للأمانه ممكن تشوفيه وتبدأيه معايا أنا وزنى 73 وطولى 162
وربنا معانا كلنا ونوصل على العيد للوزن اللى نفسنا فيه يــــــــــــــــــــــــــــــــــارب