[على الله توكلـــت] .. يوميــات دقــات قلبه .. نظام تخفيف + كبسولات شاي بايوجي

مرحبـــاااااا حبيباتي ..

شلونكم شخباركم ؟

انا رديت للمنتدى بعد انقطاع حوالي سنتين ..
لظروف خارجة عن ارادتي ..

في البداية قبل كل شي احب اسلم على رفيجاتي في المنتدى سابقاً
ام ندووي + رووزي "pinkro0ose"
مادري اذا نسوني ولا للحين ذاكريني ..


والحين راح اقول لكم قصة وزني ..

كان وزني الله يسلمكم قبل سنتين 118 وكان اعلى وزن وصلت له في حياتي حزتها ..
كنت استعمل كبسولات سفن سليم وقدرت انزل من وزني 18 كيلو و وصل وزني الى 100
وكنت حابة اواصل تجربتي مع هالكبسولات لي ما اوصل للوزن المثالي ..
لكن حزتها ارتكبت خطأ كبير بإهمال الماء .. كنت اشرب ماء قليل ..

وصادني حصى بالكلى الله يبعد عنكم كل مكروه ..
ومن حزتها قطعت الكبسولات ..
والاهل خلوني اقطع الرجيمات من خوفهم عليي ..

وتميت اكل واعيش حياتي طبيعي
لي ما وعيت لنفسي قبل فترة بسيطةةة الا و وزني صاااار 138
طبعاً الرقم كان غريب علي ..
انصدمت وااااايد ..

كنت اعرف ان وزني ارتفع بس ماتوقعته وصل لهرقم

ومن حزتها نويت ان لازم ارجع من يديد وانزل وزني واحاول لي ما اوصل للهدف الأخيررر ..


نسيت اقول لكم شي انا من النوع الي ما اقدر ألتزم برجيم يحدد شنو اكل كل يوم
لأني من النوع الي ماياكل كل شي ..
يعني ماينفع معاي ابد .. و اتملل بسرعه ..

فـ الي راح اسويه

1. راح استعمل كبسولات شاي بـايوجي لسد الشهية ..
2. راح اشرب ماي وااااااايد ..
3. راح استعمل نظام التخفيف للوالد الله يحفظه ..

نظام الوالد اهو حذف اي شي من فئة الكربوهايدرات ..
مثل الرز و الخبز و المكرونا ..
وكل يوم ياكل بس سلطة و ايدام بروحه ..
دياي او لحم من نفس اكلنا العادي بس ياكله بدون الرز ..
يعني مو ضروري يكون شي بدون دهون او دايت او مشوي او شي من هالقبيل ..
والابتعاد الكلي عن الحلويات و المشروبات الغازية ..

ولك يوم في الاسبوع فقط تقدر تاكل فيه خبز و رز او اي شي تبيه من الكربوهايدرات ..

ما شاء الله عليه الوالد نزل وايد من وزنه على هالنظام البسيط ..
وغيرة ناس وايد من اهلي استخدمو نظام الوالد ونزل وزنهم وااايد ..


من مميزات النظام انه سهل و مايملل ..


وانا من امس تاريخ 8-7-2012
بديت نظامي + اخذت اول كبسولة من شــاي بايوجي ..


ومن هذا الموضوع راح تكون بدايتي ان شــاء الله ..

وراح احاول قد ما اقدر اكتب يومياتي ..
اذا ماقدرت ادخل بشكل يومي فأكيد راح ادخل و اكتب تقرير بشكل اسبوعي ..
لأني ادرس وساعات يصيدنا ضغط ومايسمح لي الوقت ان ادخل المنتدى ..


انا توكلت على الله ..
ومو حابه اوقف هالمرة ..
وان شاء الله تكون بداية الرشاقة ..

و اي وحده من البنات حابة تشاركني وتتبع مثل النظام
ارحب فيها ..


تــابعوني و ادعوا لي ويهمني تشجيعكم واااااايد ..
احبكــــم ..

دقات قلبه بالتوفيق و الى الامام و خليكى دايما على الحماس و اوعى يقل هذا الحماس حتى لو توقفت لحظة و لا حسيت بملل او اى احباط مرة خلى عندك اصرار و ارداة و عزيمة و مفيش حاجة اسمها مستحل و ان شاء الله هتلاقينى دايما ازورك فى يوميتك و اشجعك و اى نصيحة انا تحت امرك

واصلي واستمري وشجعي نفسش وقوي ارادتش انتين تقدري نزلتي من اول 18 كيلوو اكيد بتنزلي من ثاني ووزنش كبير يعني مابيتعبش اببد بالعكس بسرعه راح ينزل اول شئ بينزل السوائل وبعدين بتتعبي بالدهون لان ممكن يثبت او ينقص نص او كيلو وانتي ملتزمة فيه ونظام التخفيف حلو اهنيك عليه اني قبل كنت التزم برجيمات بس الحين وبعد رجيم التزمت فيه بقوة وقالوا انه مجرب وينقص 10 كيلو باسبوع الرجيم كان قاسسسي يوم الاول والثاني بس تفاح الثالث والرابع لبن الخامس والسادس عصير الكيوي والاناناس السابع مشاوي التزمممت فيه بقووووة وتخيلي مانقصت الا كيلوين وكنت اسوي رياضة واني مافيي حيل من بعدها صرت ماكل الا بالتخفيف والجود من الموجود سوري طولت عليش

بالتوفيق

تسلمووون حبيبااتي

لاااا من جد بتزعلوني ليش مافي تشجيع قوي ؟

..

انا اليوم اول ماقعدت من النوم وزنت وطلعت نازله كيلوين الحمددددلله ..