بنات مصر الموضوع ده بجد محتاج مشاركه

جزاكن الله خيرا اخواتي علي الاهتمام بالموضوع انا فعلا مش عارفه ايه الحل تعالوا نفكر مع بعض بجد ونتفق علي فكره محدده ونبدا ننفزها كل واحده في بيتها ومع جيرانها وقريبها وحتي نجد هذا الحل علينا بالدعااااااااااااااااااااااااااااااااء المكثف لنا ولجميع المسلمين

واللة موضوعك فى كل بيت مصر ى الناس خلاص هتاكل بعض انا لسة الاسبوع اللى فات بشترى بطريات القلم دى طبعا عارفنها ال4 ب 10 جنية واللة اتصدمت ولا العيش الفينو كان ال10 بجنية وبعدين بقى ال6 بجنية ودلوقتى ال4 بجنية وكل حاجة بتزيد بشكل غير طبيعى ولو سعرها فضل زى ما هو حجمها يقل وطبعا الجودة ربنا معانا جميعا

اهلا بنات موضوع مهم ومشكله مش بس فى مصر على فكر طب ما انا عايشه فى السعوديه والاسعار كلها زادت برده وزياده كبيره ولسه بتزيد الفرق ما بين هنا ومصر هو مستوى دخل الفرد والمشكله الاساسيه فى رائى هو ارتفاع مستوى معيشه الناس بمعنى ان الناس عايزه كل حاجه تبقى متوفره حتى لو مش معاها حقها يعنى زمان مثلا كانت الغساله الفول اوتوماتك رفاهيه وغساله الاطباق افترى ليه هايجيبو غساله اطباق
بلاش العيش الفينو ما كانش كل الناس بتاكله ولا الانشون والجبنه الرومى انا باتكلم على مصر من 15 سنه كانت كده حتى فى القرى والنجوع مستوى المعيشه ارتفع والناس بتفكر فى الرفاهيه وتخلو عن مبدا الاستغناء وارهانكو انه حتى مع الارتفاع الرهيب فى الاسعار ما حدش هايستغنى عن حاجه اتعود عليها
الناس عشان تقاطع لازم تكون جابت اخرها وده مبدانا فى مصر احنا شعب صبور وحباله طويله وبيدى اعذار دايما عشان يستحمل عيشته
انا عارفه ان الحال فى مصر بقى صعب اوى الله يكون فى عون الناس ويقدرهم يغيرو حالهم وعلى فكره انا كمان معاكو بعانى من غلاء الاسعار فى مصر لانى خايفه انزل واتصدم بواقع انا غايبه عنه بقالى سنين