بنات مصر الموضوع ده بجد محتاج مشاركه

مجتمع رجيم / مسجات الجوال
كتبت : MESTEKA
-
الموضوع مش محتاج منتدى الموضوع محتاج كارثه علشان نفوق و نتحرك و نقول لا لكل اللى بيستغلنا انا فى راى المشكله اننا اتغيرنا يعنى اصبحا اكثر سلبيه و الاستسلام اصبح عاده و كمان احنا مبقاش عندنا طبقه متوسطه احنا فقراء او اغنياء طبقه المتوسطه هى"محدودى الدخل "وده طبقه مسكينه لا طيله فوق و لا تحت
الحل" صحوه ضمير " ومجرد مقاطعه صعب يكون فيه نتيجه لازم تعاون بين الحكومه و الشعب حتى لو كان تنسيق للمقاطعه و نحس انى فى حكومه و ناس حسه بنا
كتبت : قلبى بيسال عليك
-
حكومه ايه اللى انتم بتنادوا بيها انها تدخل هما فين والاسعار فعلا بتولع يوم عن التانى فى حاجات اساسيه هنستغنى عنها ازاى زى لبن الاطفال والبيض والجبنه طب هنقاطع ايه والا ايه ومين بالضبط اللى هيقاطع ما هو فى طبقه ما بيهمهاش الزياده اللى احنا بنتكلم عنها يعنى اللى بيكسب بالالوفات فى الشهر واخوه الموظف ياعينى بياخد ملاليم
نفسى خبير اقتصاد يوزع لى مرتبى انا وجوزى اللى المفروض ما بيتعداش 700جنيه فى الشهر مع العلم انى اعمل م7سنوات
100 حضانه الاولاد
200 ايجار
150ركوب مواصلات لفردين
50نور
20غاز او انبوبتين
50كشف للدكتور وعلاج بحد ادنى لطفلين
100لبن اطفال رضع
المجموع 670اى انه يتبقى20جنيه لاكل (ارز وعيش وخضار وفاكهه ولبن) والمصاريف النثريه وطلبات الاولاد من وخلافه وملبس وخروج



اللى هيقدر يوزع الميزانيه حلال عليه ياخدها ويعيشنا بيها الشهر
واللى يقدر يقولى استغنى عن ايه ليه هديه قيمه
كتبت : مريومه
-
قلبى بيسال عليك
بلاش تهريج ده ولا احسن كمبيوتر فى العالم يعرف يحلها
واطمنى دى مش حالتك لوحدك ده حالنا كلنا
كتبت : قلبى بيسال عليك
-
[SIZE="4"]صدقينى يا مريومه ده حال الموظفين فى البلد فالخريج الحديث لا يزيد عن 400 جنيه وده كحد اعلى قولى ازاى يقدر يفتح بيته او اللى عايز يتجوز يعمل ايه الحمد لله ربنا بيفرجها دائما بس ده حال الشعب المغلوب على امره من الالاف السنين والظاهر فعلا ان احنا اخدنا على كده
فى مقوله سمعتها فى فيلم بس مش فاكره اسمه ان الشعب المصرى من اغنى الشعوب وشوفوا من مئات السنين وهو بيتسرق ولسه بيتسرق حال البلد فعلا بيحزن وانت بتسمعى من ناس ان هم ما بقوش يشوفوا اللحم من الشهر للشهر والمصيبه الاكبر ان اكل الغلابه هو كمان بيغلى يعنى لو فكرتى تجيبى سندوتشات فول وطعميه علشان تكليها وعامله نفسك بتوفرى مش اقل من 10 جنيه كحد ادنى لان السندوتش بقى 1جنيه وربنا يرحمنا قبل ما نلاقى البنئ ادميين بياكلوا لحم بعض من الجوع
[/SIZE]



قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَا عَلَى الْأَرْضِ أَحَدٌ يَقُولُ لَا إِلَهَ إِلَّا اللَّهُ وَاللَّهُ أَكْبَرُ وَلَا حَوْلَ وَلَا قُوَّةَ إِلَّا بِاللَّهِ إِلَّا كُفِّرَتْ عَنْهُ خَطَايَاهُ وَلَوْ كَانَتْ مِثْلَ زَبَدِ الْبَحْرِ".
كتبت : مسلمة
-
و الله كدة حرام و المشكلة الاكبر ان مفيش مسؤل واحد عندة دم يحاول يعمل اى حاجة يحل بيها المشكلة
يظهر نهم عاوزين يموتو الناس من الجوع علشان عدد السكان زاد

عارفين يا بنات ثورة 23 يوليو قامت لاسباب اقل من كدة كتير امتة بقا حنعمل حاجة
كتبت : حبيبة_ امها
-
الحال لايسر احد 00
وكما قالت احدى الاخوات فيه ناس لا تهتم بالغلاء 00 مهما يكون السعر بيشتروا 00 ويمكن كمان بيفتخروا احنا قادرين نشترى 00
ولكن هناك خطوات اتمنى على الله ان تكون تهيواتى هذه حقيقة
اولا: منع تصدير الارز
ثانيا: ادخال الاولاد فى البطاقات التموينية0
يارب تكون خطوة لقدام00 استبشروا خيرا00 ولنستغفر الله كثير ليفرجها علينا كل المصريين 0 جاء رجل يشكو للرسول بما معناه قلة الرزق فقال له استغفر0 ثم جاء اخر يشتكى قلة الامطار فقال له استغفر 000000الى اخر الحديث الشريف فلما سأل الصحابة الرسول كيف تكون الاجابة كلها واحدة وهو الاستغفار قال الم تقرأوا: فقلت استغفروا ربكم انه كان غفارا0 يرسل السماء عليكم مدرارا0 ويمددكم بأموال وبنين ويجعل لكم جنات ويجعل لكم انهارا0 ما لكم لاترجون لله وقارا00صدق الله العظيم0
ليس لها حل الامن عند الله 0
والله حرام بهدلتنا 00 وحرقة الدم كل يوم 00انا كرهت الخروج للسوق 00
الصفحات 1  2  3 4  5 

التالي

اعراض صعوبة القراءة.عند الاطفال

السابق

صـــــور إبتســامات من تصـاميمي...

كلمات ذات علاقة
أحتاج , مشاركه , مصر , الموضوع , بدي , بنات , ده