بنات مصر الموضوع ده بجد محتاج مشاركه

السلام عليكم
اخواتي واحبتي اعضاء المنتدي من بلدي الحبيب مصر
انا النهارده عايزه اشاركم في موضوع شغلني جدا واعتقد انه شاغل كل واحد تهمه بلادنا وهو الغلاء الفاحش الذى اصاب البلد
كل يوم الواحد ينزل السوق يرجع متنكد كل يووم الحاجه بتغلي السكر الزيت الرز اللحمه الخ----
وبعدين المشكله في سلبيه الناس ان احنا ساكتين وكاننا مبسوطين من اللي بيحصل
ان كان اتبعتلي ايميل من سعودي بعلن ان الشعب السعودي ققر يقاطع شركات اللبن اسبوع كامل لانهم رفعوا الاسعار وةالله رجاله وانا احنا فين يا بنات ربات البيوت احنا اللي في ادينا ان نوقف هذا الجشع مش عارفه ولا انتوا رايكوا ايه بجد احنا محتجين وقفه بجد الواحد لما بيفكر في الناس اللي مرتبها 150 جنيه وعندهم خمس عيال واللهي الله يكون في عونهم
منتظره الردود واتمني انها تكون ايجابيه
والله المستعان

السلام عليكم
اختى العزيزه والله موضوع يمس القلب اللى الواحد بيشوفه على الناس من الغلاء فعلبه لبن الاطفال زادت والله فى خلال شهر واحد 5 جنيه ليصبح ثمنها 33 جنيه فاى اسره تستطيع ان توفر سلعه اساسيه كتلك لطفله الاسعار من رمضان وهى بتزيد شهر عن الاخر وفعلا انا بفكر فى اللى ما يقدرش يواكب الزياده الرهيبه ده اكيد ان فى ناس هتموت او بتموت من الجوع بالفعل ومش هزار اكيد لو الزكاه والصدقات اتوزعت بعدل ربنا مش هيكون حد فقير بس نعمل ايه فى الطمع اللى بيعمى القلوب عن حق ربها
الاستغناء هيكون عن ايه والا ايه ما هو كله فى زياده مستمره ، ده حتى العيش اللى 5 قروش اختفى طب مش هناكل ولادنا والا هنعمل ايه لو حد فعلا عنده حل فعلى يقول او كلنا نتشارك وجزاكم الله خيرا على طرحك للموضوع





لاتنسى ذكر الله لااله الا الله ، سبحان الله وبحمده

جزاكي الله خيرا يا اختي علي مرورك بس مش هينفع نقعد حطين ادينا علي خدنا ونقول منهم لله لازم نعمل حاجه ممكن نبدا بسلعه واحده ونجرب اذا جابت نتيجه اعتقد ان باي التجار هيفكروا قبل ما يغلوا الاسعار

والله حبيبتى موضوعك اكثر من راااااااائع بس الناس هتعمل ايه حتى لو قطعوا سلعه واحده هترخص يعنى ما كان فى اعتصام علشان خاطر الزيت وكان فى فايده والله لو الناس فعلا عملت اضراب عن السلع دى فعلا هيطروا انهم ينزلوها لانها هتترمى عندهم لو حد ما اخدش لكن دلوقتى مين ايلى يقدر يستغنى عن اى سلعه او منتج والله فعلا الله يكون فى عون الناس ايلى مرتبتها بسيطه انا مش عارفه هما بيعملوا ايه علشان الايام دى تعدى عليهم ربنا يباركلهم فى فلسهم ويحنن قلب الحكومه ورجال الاعمال عليهم ياااااااااااارب