رجيم لشهر رمضان من دكتور تغذية

مجتمع رجيم / رجيم رمضان لتخلص من الوزن الزائد
دارين الخطيب
انا لقيت رجيم كان فى فيديو وفرغته على ورق علشان أطبقه الدكتور اللى فيه قال أنه بيخسس من 6-8 كيلو بالشهر والله أعلم انا لسه ما جربتهوش بس حجربه المرة دى
انا وزنى 73 وطولى 162 نفسى على العيد أوصل 66 طبعا احلام يقظه هههههههههههههه لأن جسمى عنيد جدا فى النزول
المهم مش حطول عليكى النظام أهوه واللى حابلة تجربه تبدأ معانا انا وانتى إن شاء الله
اليوم الأول:
السحور:
نصف رغيف بلدى + 2 بيض مقلى بقليل من الدسم+ أى كمية سلطة
الأفطار:
(ثابت معانا ده)--> 3 تمرات +لبن خالى الدسم
وبعدين نصلى المغرب
ونرجع نفطر : 2 شريحة لحم مشوى أو مسلوق + ثمرة بطاطس مسلوقة +أى كمية من السلطة
بعد3 ساعات :2 ثمرة فاكهة وطبعا من النوع المسموح
اليوم الثانى:
السحور:
ربع رغيف بلدى + قطعة جبن قريش+ثمرة فاكهة
الفطور:
الثابت بتاعنا
أى كمية فراخ ما تزيد عن نصف فرخة تكون مشوية أو مسلوقة +أى كمية خضار نى*نى+أى كمية سلطة
بعد 3ساعات:زبادى بالفاكهة أو قطعة كنافة أو 2 قطايف
اليوم الثالث:
السحور:
نصف رغيف بلدى + 5 ملاعق فول + ملعقة زيت زيتون +نصف ليمونة +سلطة + زبادى لايت
الفطور:
الثابت بتاعنا برده
أى كمية أرز مسلوق بس ما تفتحيش اوى هههههه+ أى كمية خضار نى*نى +أى كمية من السلطة
بعد 3ساعات:
2 بولة آيس كريم أو كوب صغير قمر الدين
اليوم الرابع:
السحور:فاكهة بأى كمية
الفطور :
الثابت بتاعنا
سمك أو جمبرى مشوى + نصف رغيف بلدى + أى كمية من السلطة
بعد 3ساعات:
قطعة كنافه صغيرة أو 2 قطايف
اليوم الخامس:
السحور:
ربع رغيف بلدى +قطعة جبن قريش+كمية كبيرة من السلطة
الفطور :
الثابت بتاعنا
مكرونة مسلوقه بصلصة مش مسبكة + أى كمية سلطة
بعد 3ساعات
2 فاكهة أو كوب عصير فريش من غير سكر
اليوم السادس:
السحور:
فاكهة بأى كمية
الفطور:
الثابت بتاعنا
ربع فرخة مشوية او مسلوقة + 5 ملاعق أرز مسلوق +خضار نى* نى + كمية كبيرة من السلطة
بعد 3ساعات:
2 قطايف أو قطعة كنافة صغيرة
اليوم السابع :
اختارى اى يوم من اللى فاتوا بس بشرط يكون يوم على بعضه من السحور للفطار مش فطار من هنا وسحور من هنا
وتوزنى إن شاء الله فى الثامن وتاخديه فرى كمان بس ما تفتحى اووى برده خد ى بالك
♥♥..fafy..♥♥
تسلم اديكي
وان شاء الله بالعيد تتكوني65 هههههههههههههههه
انت بس توكلي على الله وادعي بهالشهر الكريم
والله أكرم
دارين الخطيب
شكرا فافى ويارب كلنا نوصل للوزن اللى عايزينه على العيد علشان نترحم شويه من كلام الأقارب الاذع
سحر هنو
شكراً لكـ
على طرح ــكـ دئماً متميز .. من الأفضـل للأفضل

أح ـترامى وتقديرى لكـ

تقبل مرورى البسيط فى ج ــمال موضوعكـ



دارين الخطيب
شكرا سحر على كلامك الحلو ده ويارب فعلا يكون الموضوع مفيد ليكى وتوصلى للوزن اللى نفسك فيه
ام ديومه
سلمت يداك على الموضوع

دمتي بخير
الصفحات 1 2 

التالي

نظام إيلين لرمضان ! نزول بلا رجعة و بلا حرمان

السابق

رجيم رمضانى يخسس 10 كيلو مجربه

كلمات ذات علاقة
لشهر , تغذية , دكتور , رمضان , رجيم