مجتمع رجيمالاطباق المتنوعة

الفته المصريه على اصولها




ازيكم يا قمرات عاملين ايه يارب كلكم بخير ان شاء الله

ده اول موضوع ليه بالمنتدى فحبيت اقدملكم طبق الفته اللى كل اللى اكله من ايدى عجبه جدا
وارجو ان ينال اعجابكم
اولا المقادير
كيلو لحم بقرى مقطع مكعبات
خبز اسمر مقطع مكعبات
زبد وزيت
ملح وفلفل وبهار وورق لاورا وحبهان وجزر وكرفس وكرات وبصله
ارز مصرى مغسول ومتصفى
نصف كيلو عصير طماطم
ملعقه كبيره ثوم مفروم
ملعقه كبيره خل ابيض
الطريقه
اولا نغسل اللحم كويس بماء وخل وملح
وبعدين نضع اناء على النار وبه ماء حتى يغلى وبعد ما تغلى الماء نضع اللحم ونتركه واول ما يطلع الريم الكثير اللى فى الاول ننشل الريم ونرمية وبعدين نضيف عليه بصل وجزر وكرفس وكرات وورق لاورا وحبهان وفلفل اسود وبهار ونتركها حتى تنضج اللحم
فى هذه الاثناء ناخذ الخبز ونضع معه ملعقتين زبد فى مقلاه ونحمصه بها
بعد كده نضع زبد وزيد فى قدر ونضع معهم الارز ونقلب حوالى خمس دقائق وبعدين ننزل عليه بشوربه اللحم المغليه وللعلم كوب الارز المصرى بيحتاج كوب وربع شوربه مغليه ونقلب لحد بس ما يتشرب الماء وبعدين نوطى النار تماما ونغطيه ونتركه حتى النضج وبعدين فى مقلاه نضع بها ملعقة الثوم ومعها ملعقة زبد حتى يصبح الثوم ذهبى وبعدين ننزل عليه ملعقة الخل ونقلب علطول وبعدين ننزل عصير الطماطم ونسيبه يتسبك وبعد ما يتسبك نضيف ملح وفلفل اسود
بعد كده ناخد اللحم ونحمرها فى ملعقتين زيت
بعد كده بنجيب طبق التقديم ونضع به طبقه من الخبز المحمص ونرش عليه شوربه علشان يبقى طرى نوعا ما منحطش شوربه كثير عشان ميبقاش مهرى احنا بس عاوزينه يبقى طرى
وفوقه نحط الارز ونرش صلصله على الوجه ونحط اللحم على الوجه وناخذ الصلصه فى اطباق صغيره علشان اللى يحب يضيف وبالف هنا



مشكورة على الطريقة
اقتباس : المشاركة التي أضيفت بواسطة سمر4:
مشكورة على الطريقة
ميرسى لمرورك يا قمر
تسلمي انتي والفته المصريه
الله عليك وعلى الفتة المصرية الذيذة






فى انتظار جديدك
1 2  3 
كلمات ذات علاقة
المصريه , الفته , اصولها , على