فخدة ورز من مطبخي بالصور لحملة يومياتنا الرمضانية

فخدة ورز من مطبخي بالصور لحملة يومياتنا الرمضانية
فخدة ورز من مطبخي بالصور لحملة يومياتنا الرمضانية



كيفكن حبيباتي ملف اليوم حنزللكن فيه طبق السحور والفطور يلي هو فخدة ضاني ورز وطبق الحلو
نبدأ بالسحور
في أكلة بسوريا نسمها كشكة خضراء وهي عبارة عن برغل ننقعه ب ماء ثم بلبن حتى يمتص كل اللبن ونحفظه بعلبة محكمة الإغلاق
ونسكب قد حاجتنا منها للكشكة

ونزينه ببندورة ونعنع وبقدونس وزعتر بري وزيت




وهذه الأكلة كتييير منستعملها بالسحور لأن فيها لبن بتكون رطبة عالمعدة وخصوصي بهالحر القاتولي (الله يجيرنا من نار جهنم وحرها) بقا أنا حطيتها عالسحور وأنا بموت فيها طيبة كتييير
وحطيت زبدة وحلاوة

وكمان مربى مشمش لأن زوجي بموت فيهم بس أنا كلشي فيه حلو مابحبو مع إتي بحب اصنع حلو كرمال زوجي لأن بحب الحلو كتيير وحطيت زيتون وجبنة كيري وشاي وهذه صورة طبق السحور





أما الإفطار كان فخدة ضاني ورز
المقادير:


لحمة وطبعا مطالعتها من الفريزر مشان هيك الصورة مو كتير واضحة


وبطاطا وبصل وورق غار ليساعد بنضج اللحمة بسرعة وفلفل حب وقرنفل وبودرة اكليل الجبل وزنجبيل مطحون




http://up.rjeem.com/uploads/13429961633.jpg
طريقة التحضير :




نغمر اللحمة بالماء بعد أن يذوب الثلج عنها ونضع البهارات من اكليل الجبل وورق الغار والزنجبيل والبصل وعندما تغلي نزيل الرغوة من عليها ونغطيها ونتركها تنضج على نار هادية
وقبل النضج نضيف مكعبات البطاطا لها


http://up.rjeem.com/uploads/13429961634.jpg




طبعا نعمل جنبها رز أنا طبخت الرز بمرقة اللحمة


وألف صحة وهنا والله طعمها رائع
وحماتي الله يجزيها الخير بعتتلي طبق كبة وشوربة عدس



ورجع زوجي عامل لحمة بالصينية عند اللحام

ومندعي الله لايزيل عنا هالنعم يارب ودي صورة طبق فطور اليوم



ودة طبق كعكة حلوة لكل من ستدخل موضوعي مع






و إن شاء الله يكونو عجبوكن طبعا رح اعترفلكن اعتراف انو ما حطيت كل مراحل الطبخة لأن قبل ماتستوي اتذكرت اني مو مصورتها ف رجعت طالعت البهارات والبطاطا والبصل وصورتهم وصورت الطنجرة في مراحل النضج الأخيرة و جل من لاينسى تقبلن حبي وودي

الله الله اش هالششئ بصراحة ماتوقعت تكووني فنانة بالطبخ ومن محبيه يعني من اسم العضوية دلوعة حبيبها افتكرت انك مو متزوجة اصلن وكان عندي احساس انك كسولة وماتتحركي هههههههههه مو تزعلي بس هذا اللي كنت افتكره بس بصراحة طلعتي مو اي شئ رووووووعة تتسسلم اييدك ويعطيك العافية ويسلموو ع الكيكة والقهوة وصلت ياقلبي ماننحرم من كرمش بس مره ثانية ياليت لو تتعلمي طريقة كيك للي يسووا رجيم عشان لانتعوود على الدلع هههههههههه صحة وعافية ع قلوبكم ..

وتقبلي ودي وتقييمي قبل ردي