لاتتصل مالك على القلب طاعه

مجتمع رجيم / فيض القلم
✿هَـمَسْ الـمَـشَآاعٍرْ✿
آخر تحديث: 30 سبتمبر, 2020
لا تـتـصـل مــالك على القلب طـاعه

عـذبت قــلـبي والوفاء منك مجروح

وأعــرف قـصـيـدي مـا يسرك سماعه

ولا انته على بيتن من الشعر مشفوح

وغـيـرك يكلمني بـصـدق وشـجـاعـه

بصدق معك يـا زين مـجـروح ويبوح

وكــلامـه رقـيـق ورقـته بندفاعه

ولولاي أحــبـك كان سلمته الـروح

وتفداه روحـــي مير مـاهي بضاعه

ومن عاش في قلبين كــذاب مفضوح

وياليتني الــقـى لـحـبـك مناعه

ويا ليتني ارحـل مع الطير وأروح

عـايش أمــل في قلبك أعيش سـاعه

وقلبك حـجر وأنا من الشوق مذبوح

وكــل القصايد مــا عطتني شفاعه

ما عـاد لي بالشعر يا زين مصلوح

لأجلك نـظـمـتـه وعشت رحلة ظياعه

ويمك رسلته بداخله الحال مشروح

وظـيـعـتـني فأحفظ قصيدي وراعـه

وأخر كلامي الوفاء منك مـجـروح
أمنيتي أتغير للأحسن
آخر تحديث: 30 سبتمبر, 2020

التالي
السابق