سابدا حرب مع نفسى لحد ما اوصل ل 60 باذن الله

مجتمع رجيم / أرشيف رجيم
كتبت : ام_مريم
-
PIC-241-1346584960.g

الحقيقة لسه مخلصه قراة موضوعى القديم بتاع البدينات اموات لانى الوقت اللى كتبت الموضوع ده فيه
كنت بكتب كل كلمه فيه بدموع الحسرة و الالم و السخرية و العذاب اللى كنت دايما اتعرض ليه و انا فى السمنة
و طبعا بعد ما خست و وصلت ل 60 حصل الحمل بسرعة و ما لحقتيش اثبت فرجع وزنى زى الاول و اكتر 10 كيلو كمان
و طبعا بدات الحرب و الحمد لله ربنا وفقنى و نصرنى على نفسى و لكن انا بتجي على لاحظات انهزامية كتير و يقل فيها الحماس
خالص مش عارفة ليه و افضل اكل و اخببببببببص كتير لحد ما بطنى توجعنى يعنى ياريت لحد ما اشبع بس لا ده انا بزيد على نفسى
زي ما يكون الاكل هيخلص و لا مش هاكل تانى بقيت عمرى و ممكن تكون حاجات مبحبش اكلها لكن بعند في نفسى و بكلها بعنى
مثال انا مبحبش المربى و كمان مكنتش بحب السكريات و لا الحلويات طول عمرى لكن لما بعمل يوم مفتوح و لا بنوى اخبص
بفضل اكل الحاجات ديه و طبعا اللى بنقصه بزيده و انا تعبت جدا من الموضوع ده و نفسى اوصل لخمسين كيلو قبل عيد الاضحى معرفش ازاى
لكن بتمنى و مفيش شئ بعيد على الله فهو القادر على كل شئ نفسى اغير برمجة الخلايا اللى فى دماغى بدل ما اكافئ نفسى بالاكل لما
افرح بالنتيجة على الميزان اكافئ نفسى بلبس و لا خروجة و لا اى حاجة متسببش كارثة يا جماعة انا بجد زهقت من نفسى طول عمرى ازيد و اعمل
رجيم و انقص و ارجع ازيد و عايشة فى دوامة من ساعة ما وعيت على الدنا ديه بين الرجيم و النقصان و الزيادة بجد تعبت تعبت و مش عارفة امته حقق حلمى
و اوصل للى انا عايزاه و افضل بقيت حياتى طبيعية من غير ما ازيد تانى لا فى حمل بقه و لا تحت اى ظروف تانية لانى خلاص انا المرة ديه من ساعة ما بدات رجيم
و انا مغصبة على نفسى لانى المرة ديه بيجي دايما فى بالى و فيدته ايه التعب اللى انا فيه ده اذا كنت هنقص و ارجع ازيد تانى و لكن الحمد لله ربنا قدرنى
المرة ديه كمان و نفسى اوصل لخمسين و انزل كمان 2 كيلو يعنى ابقى 48 علشان يبقى الاتنين كيلو سيف ويت يعنى وزن الامان ههههههه و كانى خلاص قربت
انتم عارفين انا بقالى كام كيلو تانى علشان اوصل للكلام اللى بحكى فيه ده بقالى 20 كيلو تفتكروا هقدر اقاوم و انزلهم و عموما انا فتحت اليومية ديه علشان يمكن
اقدر اشجع نفسى بجد و اقدر استمر لحد ما اوصل لرقم 60 على الميزان و بعدها اقدر اكمل

ان شاء الله هعمل رجيم التمر و اللبن لحد ما احس انى تعبت منه و اغيره بعد كده معرفش باية و هحاول اعمل رياضة معاه بس النهاردة مش عارفة اذا هقدر و لا لا و هوزن
كل خميس ان شاء الله

اعتذر للاطالة
كتبت : دعاء دعاء الدلوعه
-
ان شاء الله تخسي وتوصلى للوزن اللى بدك اياة
كتبت : ام_مريم
-
شكرا ليكى دعاء ان شاء الله هحاول كل يوم ادخل و اكتب يومى بالتفصيل
كتبت : مي1987
-
موفقة يا ربي
يا رب تنحفي من دون شر
كتبت : صفاء العمر
-
عزيزتي استمري ولا يهمك
واعلمي انك لو كنت مابتنتبهي اول باول وتنزلي الزياده بالوزن
كان الان وزنك كثيررررر كثيررررر زايد
لا تهبطي عزيمتك واعلمي انك صح وماشيه صح
ربي يعطيك ويرزقك الصحه والعافيه وتوصلي لهدفك
وتذكري حتى ان شاء الله لما توصلي لهدفك لابد انك تفضلي تعملي على ان التعب اللي سويتيه مايروح سدى
هذه هي الحياه واحمدي الله وانظري حولك حتشوفي بلاوي الناس كثيره
اتمنى لك التوفيق
كتبت : ام_مريم
-
و يوفقك يا مى

صفا ء العمر شكرا جدا على كلامك و الحمد لله على كل حال و ربنا يثبتنى و يقوينى يارب

اليوم لما فطر فطرت عادى توست و جبنة نستو و بعديها قررت
اعمل رجيم التمر و اللبن و الحمد لله عدى على خير بس اكلت زيادة معاه
قنصة فرخة + خيار و طماطم
الصفحات 1 2  3 

التالي
السابق