مجتمع رجيم

العودة   مجتمع رجيم > ازياء موضه جمال ديكور طبخ > الاطباق المتنوعة > قسم الاطباق المنقولة

إضافة رد
 
LinkBack أدوات الموضوع انواع عرض الموضوع
قديم 09-11-2012, 03:33 AM   #1
وردة محترفة
 
تاريخ التسجيل: Aug 2012
المشاركات: 205
اللحمة بالصينية بالخطوات المصورة طريقة تحضير اللحمة بالصينية

اللحمة بالصينية بالخطوات المصورة طريقة تحضير اللحمة بالصينية




أكلتنا يا أخواتي الكريمات : اللحمة بالصينية أو متل مو دارج الاسم بالشام : ( اللحمة بالصحن )

هالأكلة , كتير طيبة و فخمة , و مستحيل تلاقي أي عزيمة عنا بسورية إلا ما تكون هالأكلة متصدرة السفرة


راح نبلش بسم الله

لحمة غنم ( أو بقر ) هبرة و معها كمية من الدهنة تقل أو تكثرعلى حسب ذوق و رغبة عيلتك , و لازم نحط معها دهنة و لو بكمية قليلة , ما بيصير تكون هبرة عالحل مشان ما تطلع ناشفة





للأمانة , نحن ما استخدمنا كل اللحمة اللي بالصورة , تركنا الشقفة الكبيرة يلي باينة عالوجه


كمية مبحبحة من البصل





عند الفرم , لاقينا إنه الكمية ما بتكفي ففرمنا كمان بصلة وسط
دبس رمان , لازم دبس رمان و مو أي حامض تاني , لأن دبس الرمان إله نكهته الخاصة اللذيذة و هيي اللي بتعطي الصينية نكهتها المميزة

دبس فليفلة ( حلوة أو حدة ) ( حدة يعني حارة ) , و إذا ما عندك ممكن تستغني عنه , بس لا تحطي بداله فليفلة ما بيمشي الحال

ملح , كمون , أي خلطة بهار طيبة معتمدة عندك

لتزيين الوجه : بندورة و فطر
( ما حطينا فطر عالوجه , لأن بالصدفة ما كان عنا فطر اليوم )

راح نفرم اللحمة و البصل بماكينة فرم اللحمة , و لاحظوا مقاس مصفاية الفرم المستخدمة





حطينا دبس الرمان





كمية دبس الرمان على حسب ذوقك و رغبتك ( فيكي تتذوقي و تتحكمي بالكمية , طبعآ فقط لحمة الغنم يلي فيكي تتذوقيها أما إذا لحمة بقر لا تاكلي منها نية , انتبهي )


و حطينا الملح و الكمون و البهار ( بكمية مناسبة لكمية اللحمة و البصل ) , و كمان حطينا ملعقة كبييرة دبس فليفلة متوسطة الحد
( الكمية بس لتعطي نكهة الفليلفة و الحد للصينية , هيك راح تطلع أطيب ) , إذا الدبس حد كتير لا تكتروا مشان ما تطلع اللحمة حدة





منخلط كل المقادير مع بعضها البعض جيدآ
و منوزعها بالصينية متل مو شايفين و منرفع اللحمة على جناب الصينية




و منقطع البندوراية دوائر و منوزعها على وجه الصينية , و منحط فطر بالفراغات ( ما حطيت اليوم , لأن ما كان عنا فطر )


و عالفرن ( هالكمية بتكفي حوالي 5 – 6 أشخاص )


راح نلاحظ , إنه اللحمة راح ينزل منها مي و تتقلص , أكيد راح يصير هيك , فينا نخلي نار الفرن هادية مشان ما تنشف المي , بس راح تاكل الصينية وقت أطول لتنضج

و هي بعد ما طلعت من الفرن






بتقدميها و بتقدمي جنبها سلطة خضار و بطاطا مقلية

و في ناس بيحبوها مع الطحينة , فيكي تقدمي معها طحينة مشان يلي بدو يحط على صحنه

جربوهااااااااااااااااااا و ادعولي

و يارب بالهنا و الشفا
)) مخمليه (( غير متواجده حالياً   رد مع اقتباس
إضافة رد

مواقع النشر (المفضلة)

كلمات ذات علاقة
الليلة , المصورة , بالخطوات , بالصينية , تحضير , طريقة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


الموضوع كاتب الموضوع المنتدى مشاركات آخر مشاركة
طريقة عمل البقلاوة بالصينية بتول الغلا قسم الموضوعات المنقولة 3 11-15-2012 03:38 PM
طريقة عمل كبيبة اللحمة المفرومة *بنت الإسلام* الاطباق المتنوعة 71 09-30-2011 12:53 PM
طريقة تحضير كريم باستير ... بالخطوات المصورة سالي بغداد مسجات الجوال 12 06-01-2010 02:16 AM
طريقة تحضير كريمة البارفان بالمنزل ... بالخطوات المصورة سالي بغداد قسم الموضوعات المنقولة 15 02-06-2010 03:25 PM
طريقة اللحمة الهوبر 000 جديدة من مطبخى noga sief الاطباق المتنوعة 14 08-07-2009 02:33 AM


الساعة الآن 03:53 PM.


Powered by vBulletin® Version 3.8.7, Copyright ©2000 - 2018, Jelsoft Enterprises Ltd.
Content Relevant URLs by vBSEO 3.6.0