كل واحده فينا عندها حاجه سحريه تتحل بيها كل مشاكلها
مجتمع رجيم / موضوعات النقاش المميزة .. لا للمنقول
كتبت :
القلب المغلق للصيانه
-
ازيكم يا بنات
انا لسه بتعرف عليكم ولسه انتوا متعرفونيش بس انا انسانه بحب التفاؤل اووووى ومبتسمه على طول مهما كان اللى انا فيه
وحبيت ابدأ معرفتكم بيا بموضوعى ده اللى ان شاء الله هيفرق معاكم اوووى
هتكلم معاكم عن الابتسامه
الحاجه السحريه دى تعرفوا يعنى اي بسمه بغض النظر عن انها بتحلى الوش وبتدى تفاؤل للى قدامك
يعنى بتديكى انتى راحه قبل ما تريح اللى قدامك لو حد زعلان منك ممكن تكون ابتسامه حل للزعل
لو حد مضايق منك ومخنوق ممكن تكون ابتسامه لطيفه مع كلمه حلوه نهايه الضيق
الابتسامه الابتسامه
للى ميعرفهاش حل سحرى لاى حاجه
لو انتى انسه جربتى قبل كده تطلبى من والدك حاجه وانتى مبتسمه ههههههههه لو مجربتيش يبقى فاتك نص عمرك بسرعه جربى
هتلاقى فرق كبير بين لما تطلبى حاجه بابتسامه واسلوب حلو عن لما تطلبيها باسلوب عادى ومن غير بسمه
لو ب ضحكه حلوه صدقينى حتى لو والدك مش كان هيديكى هيغير رأيه خاالص ويديكى
ياااااااااااااه صدقت يا رسول الله لما قلت : تبسمك في وجه أخيك لك صدقة، وأمرك بالمعروف ونهيك عن المنكر صدقة، وإرشادك الرجل في أرض الضلال لك صدقة، وبصرك للرجل الرديء البصر لك صدقة، وإماطتك الحجر والشوكة والعظم عن الطريق لك صدقة، وإفراغك من دلوك في دلو أخيك لك صدقة أخرجه البخاري في الأدب المفرد والترمذي وابن حبان.
يعنى ديننا كمان بيحسنا عليها واحنا للاسف مش بنعمل بيها
متفهموش من كده اننا واحنا ماشيين فى الشارع نضحك لاى حد لالالا ههه هيقول علينا مجانين بس
لو انتى بتشتغلى جربى تدخلى المكتب ببسمه حلوه كده وشوفى تأثيرها على اللى معاكى
لو بتصحى جوزك للشغل جربى تبقى على وشك بسمه رقيقه كده وشوفى موده هيبقى ايه طول اليوم
جربى لما تيجى تعملى ابنك او بنتك حاجه تقولى اللى عايزاه بضحكه بابتسامه خفيفه كده مع كلامك صدقينى كلامك بابتسامه غير خااااالص لو من غيرها هتحلى الكلام هتخلى ليه لون وطعم
شوفى حدث تانى للرسول صل الله عليه وسلم بيقول ايه
تعرفى انك بالابتسامه اللى انتى مش عارفه قيمتها دى بتحركى فى وشك 17 عضله يعنى الابتسامه صحه وراحه
عارفه انك لو ابتسمتى فى وش صحباتك فى الكليه او فى المدرسه او فى اى مكان بتروحيه هتدخلى السعاده على قلبها بالابتسامه دى لاننا محتاجين فى حياتنا الوشوش اللى بتحسسنا بالتفاؤل دايما ولان الابتسامه دى ممكن تبقى عند ناس كتيره اوى اهم من الاكل والشرب ممكن تكون واحده صاحبتك محتاجه بس حد يبتسم فى وشها علشان تخرج من حاله سيئه هى فيها يمكن جوزك لما يدخل عليكى بعد تعب يوم طويل محتاج بس ابتسامه مش اكتر علشان يحس ان تعبه مرحش على الفاضى وفيه حد مقدره
وشوفى بقى
انتى كم الصدقات اللى هتاخديها ان شاء الله من حاجه بسيطه اووووووووى
ممكن ميبقاش معاكى فلوس تديها لحد غلبان بس بدل ما تقولى ربنا يحنن عليك بعنف تبقى بابتسامه حلوه صدقينى برضه هيدعيلك وانتى برضه هتاخدى ثواب
لو انتى مكشره وداخله على حد فرحان ومبسوط ومبتسم مش بتلاقيه على طول هو كمان بيكشر صح ولا لا ده تأثيرك عليه اما لو انتى داخله مبتسمه على حد مكشر وزعلان انتى برضه هتأثرى عليه
بس فيه فرق كبييير اوى بين انك تأثرى بضحكه وبتكشيره
الابتسامه ممكن تخلى خطيبك دايما عايز يشوفك لانه بيحس انك بتديله طاقه ايجابيه بدل ما هو طول اليوم قرفان فى شغله وتفكيره كله فى المصاريف وتجهيزات الفرح
لكن لو جالك تعبان وقرفان وانتى بقى مقبلاه بالتكشيره التمام وتقوليله انتى لسه وراك كذا وكذا ولسه الشقه محتاجه توضيبات هتلاقيه قفل وممكن اليوم يقفل بعد الشر نكد
طيب ليييييه منبقاش اذكياء ممكن الاول نمتص الطاقه السلبيه اللى جواه ولما يبقى كويس وينسى الهموم اللى هو فيه بابتسامه حلوه يبقى نتكلم ونتكلم برضه بابتسامه حلوه هتلاقى الكلام بقى حلو
وخليكى فكره ان ربنا اداكى سحر جواكى وهو موجود جوه كل واحد ربنا خلقه بس فيه حد بيعرف يستخدمه وفى حد مش بيعرف
فتعلمى كيف تستخدمى سحرك
ولما نصحى كل يوم وتشوفى نعم ربنا عليكى ان ربنا اداكى الصحه والرضا واولادك حواليكى بصحه كويسه وجوزك معاكى كويس او خطيبك موجود وبيعاملك كويس او باباكى ومامتك ربنا مطول بعمرهم ومعاكى ومعاكى فلوس قادره تقومى تشترى اكل وتشترى دوا
فقط
لانك الحمد لله ربنا انعم عليكى بحاجات كتيييييييير غيرك ممكن يكون صحى فجأه من نومه ملقهاش
الحمد لله عندنا صحه وغيرنا بيقوم تعبان وممكن يقوم ميت مفيش فى عمره يوم واحد يعيشه
عندنا اولاد اصحاء وغيرنا كل يوم طالع عينهم من مستشفى لمستشفى علشان علاج اولادهم
عندك خطيب وغيرك عايشه طوووول عمرها نفسها حد بس يتقدملها
رايحين كليتنا او مدرستنا او شغلنا وغيرنا الظروف خلتهم ميتعلموش ومالهمش اصلا حق فى انهم يختاروا حياتهم
معانا فلوس قادرين نروح نشترى بيها اكل وفيه ناس مش معاهم حتى ربع جنيه يشتروابيه عيش حاف
نعم ربنا كتييييييييير اوى ومحتاجين بس نشكره
ونحسس اللى حوالينا انهم فى حياتنا حاجه مهمه ومينفعش ابدا يبقوا مضايقين
خللى ابتسامتك دى عنوانك دايما
ودى رساله ليكم
