نعمه من ربنا لينا مش بنشكرها ومش عارفين قيمتها
مجتمع رجيم / موضوعات النقاش المميزة .. لا للمنقول
كتبت :
القلب المغلق للصيانه
-
ممكن تردى السلام علشان تاخدى ثواب
قولى وعليكم السلام ورحمه الله وبركاته
ازيكم عاملين ايه يارب تكونوا بخير
ممكن تدعولى بصلاح الحال وبالزوج الصالح وبالهدايه وان ربنا يردلى حقى من اللى ظلمنى
ولكم بالمثل ان شاء الله
هكلمكم انهارده عن نعمه زى ما قولت فى عنوانى انا شيفاها نعمه كبيييييييييييييييره اوى اوى هديه من ربنا لينا وكتير مننا بيضيعها بجهل او علم مننا او بتضيع مننا ظنا منا انها عادى او مش مشكله بس اللى عرف قيمتها بعد فوات الاوان هو بس اللى يقدرها الا وهى
(((( نعمه الوقت ))))
نعمه جميله اوى من ربنا متقلش اهميه عن نعمه البصر ونعمه الصحه لانها فعلا مهمه اوى
تعالوا نشوف الوقت عباره عن ايه وده تعريف الوقت لنفسه
تعرفوا ان الدقيقه اللى بنضيعها تفرق مع ناس كتيره اوى دقيقه ممكن تموت حد وممكن تحيى حد فى عمليه مثلا دقيقه ممكن ناخد فيها حسنات باستغفار بتسبيح بقراءه قراءن
وممكن نضيعها بحاجه ملهاش اى لازمه وتبقى عندنا حاجه عاديه جدا
الوقت ناس كتيره اوى بتستهون بيه مع انه المفروض يبقى مهم عندنا اوووووى
هيفرق الوقت معانا فى حياتنا
اللى استغل الوقت احسن استغلال غير اللى ضيع نص اليوم غير اللى ضيع اليوم كله من غير ما يعمل حاجه
زى الطالب مثلا اللى ذاكر طول الدراسه عمره ما هيتساوى ابدا مع اللى مذاكرش خااالص او اللى ذاكر اخر شهر فى الدراسه
وفى اخرتنا كمان اللى استغل وقته فى قراءه قران وذكر ربنا عمره ما هيكون زى اللى بيقرى قليل او زى اللى مقراش خالص
هيفرق فى الحسنات كتير اوى اللى عرف معنى الوقت فعلا واستغله صح
للاسف الوقت عمره ما هيتعوض الثانيه اللى تعدى خلاص ماتت وراحت اللى عمل فيها حاجه مفيده استفاد منها واللى ضيع الثانيه دى خلاص اترمت ورا ضهرنا وجيه ثانيه غيرها وهكذا يمكن احنا مش حاسيين بالوقت اوووووى بقت الحياه رتمها سريع اوووووووووى وزحمه الدنيا ضيعت قيمه الوقت
بس برضه احنا مقصرين اوووى فى استغلال الوقت تلاقى ربه المنزل مضيعه نص وقتها فى فراغ وبتشتكى منه مع ان وقت الفراغ ده يتعمل فيه مليون حاجه مهمه مفيده فى كذا حاجه
او لو مثلا بتطبخ او بتمسح وبتروق الشقه ناس كتير اوى شايفه ان لما تبقى بتروق او بتطبخ انها مش فاضيه بالعكس والله هى فاضيه جدا قولولى ليه
لان فى اوقات ينفع نستغلها فى اكتر من حاجه
زى مثلا فى الطبخ او الترويق ممكن نستغفر ربنا اثناء الاعمال المنزليه صح ولا لا
ممكن نسمع قراءن نشغله فى الكمبيوتر واحنا بنعمل شغل البيت صح
فى المواصلات وخصوصا اللى بتبقى مشاوير شغلهم بعيده برضه نفس الحكايه ليه منشغلش وقتنا الفاضى بحاجه مفيده حاجه تنفعنا مثلا فى المواصلات ممكن يبقى معانا مصحف جيب نقرى فيه طول السكه او نستغفر او نسبح او يبقى معانا كتاب مفيد نقرى فيه نتعلم منه لدنيتنا او اخرتنا
الوقت عامل زى قطر سريع اووووووووووى مبيقفش فى محطه اللى راكب فيه هو بس اللى هيكسب وهو بس اللى عرف قيمته
واللى ضيع وقته فى حاجات ملهاش لازمه هو اللى هيندم
اتمنى اننا نعرف قيمه الوقت ومش احنا وبس لا ياريت الناس كلها تعرف ان الوقت سهل اوى نضيعه بس من الصعب جداااااااااا نعوضه لانه لما بيفوت عمره ما بيرجع تانى
واتمنى نشغل وقتنا دايما بذكر الله وبالاستغفار علشان ربنا يباركلنا فى حياتنا ونحس ان حياتنا مضاعتش كده وبس
مش معنى اننا ضيعنا وقت قبل كده اننا نبقى وحشين لالالالالالالالا اللى فات خلاص ننساه ونبدأ بقى من دلوقتى نعرف قيمه الوقت وانه غالى اووووووووى ونستغله احسن استغلال
ونشوفحديث رسولنا الكريم
قَالَ النَّبِيُّ صَلَّى اللَّهُ عَلَيْهِ وَسَلَّمَ : " لَا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ أَرْبَعِ خِصَالٍ : عَنْ عُمُرِهِ ، فِيمَ أَفْنَاهُ ؟ وعَنْ شَبَابِهِ ، فِيمَ أَبْلَاهُ ؟ وَعَنْ مَالِهِ ، مِنْ أَيْنَ اكتَسَبه ؟ وَفِيمَ أَنْفَقَهُ ؟ وَعَنْ عِلْمِهِ ، مَاذَا عَمِلَ فِيهِ ؟ "
اتمنى نعرف ان وقتنا اللى بيضيع ده هنتحاسب عليه وانه غالى اوى والمفروض ميضعش مننا كده هباءا
واستغفر الله لى ولكم وصل اللهم وسلم على سيدنا محمد وعلى ال بيته الطاهرين
