طريقه معرفه نوع البشره وعمل حمام بخار للوجه

مجتمع رجيم / الموضوعات المميزه فى المكياج والعناية بالشعر و الجسم
القلب المغلق للصيانه
PIC-898-1348950201.j

PIC-249-1348950201.g

ممكن تردى السلام علشان تاخدى ثواب

قولى وعليكم السلام ورحمه الله وبركاته



بشرتنا يا بنات بتتأثر بالاكل اللى انتى بتاكليه يعنى لو انتى بتحبى تاكلى الاكل الجاهز اللى كله دهون بشرتك هيبان عليها اووووووووى فبيظهر حب شباب
وده بيبقى شكله

PIC-282-1348950201.j

وده من كثره افراز الدهون فى بشرتك وممكن كمان يظهر رؤوس سودا

ودى شكلها

PIC-214-1348950201.j


ودول بيظهروا زى ما قولت من الاكلات المشبعه بالدهون علشان تبقى جميله من بره زى ما انتى من جوه جميله اووووى لازم تاكلى اكل صحى وتبعدى خاالص عن الاكلات الجاهزه وابدأى عودى جسمك على الاكل الصحى المفيد


وكمان عايزاكى تبتدى تعتنى ببشرتك وبنظافتها

يعنى مثلا تجيبى غسول لبشرتك واول حاجه عايزاكى تعرفيها نوع بشرتك ايه

وهقولك على حاجه بسيطه اوى تخليكى تعرفى نوع بشرتك ايه تغسلى وشك عادى وتسيبيه ساعه كامله وتجيبى منديل ورق وتحطيه على وشك

وتركزى الضغط بالمنديل على قورتك اللى هى الجبهه والانف والخدين والذقن
لو لقيتى على بشرتك فى الحتت الاربع دى دهون فى المنديل يبقى بشرتك دهنيه
ولو لقيتى فى الانف والقوره يبقى بشرتك مختلطه
ولو لقيتى مفيش دهون خاالص فى اى حته فى وشك يبقى بشرتك عاديه
ولو لقيتى مفيش دهون خاالص فى اى حته فى وشك مع وجود قشور فى بشرتك يبقى انتى بشرتك جافه



وبعد ما عرفنا ازاى نعرف نوع بشرتنا

اعرفكم بقى ازاى ننضف بشرتنا ووشنا بالتحديد بالبخار وده سهل اوووووى

ومهم جدا لانه هينضف البشره من الشوائب والحاجات اللى بتبقى ساده المسام فيها وهتفتح المسام وبالتالى هتعرفى تزيلى الرؤوس السودا والبيضا اللى بتبقى شكلها مش لطيف فى الوش
وده شكلها



PIC-214-1348950201.j



بصوا بقى البخار ده سهل اوووووى ومش مكلف وبينضف البشره جدا

انتى طبعا عرفتى من الموضوع اللى فات نوع بشرتك دلوقتى بقى هتجهزى ماسك وتخليه جمبك لانك هتخلصى البخار وعلى طول هتحطى الماسك

ماسك للبشرة الدهنية :

ملعقتين من الزبادي ونصف ملعقة من الليمون وملعقة كبيرة من الخميرة ونصف ملعقة من الشوفان .

تخلط جيداً ثم يوضع على الوجه لمدة عشرين دقيقة ثم يغسل ويستعمل الكريم المناسب للبشرة الدهنية .

ماسك للبشره العاديه
ملعقتين من الزبادي وملعقة كبيرة من الخميرة ملعقة كبيرة من ماء الورد يخلط ويستعمل لمدة عشرين دقيقة للقشرة ثم ينظف ويستعمل كريم مناسب للبشرة العادية .
ويمكن وضعه مرة إلى مرتين في الأسبوع


ماسك للبشرة الجافة:

ملعقتين من الزبادي وملعقة كبيرة من الخميرة وربع ملعقة من زيت اللوز الحلو الطبيعي وربع تفاحة مبشورة يخلط الخليط ثم يوضع على البشرة لمدة عشرين دقيقة

لو عندك جهاز البخار هيحل مشكله كبيييره اوى لو مش عندك مش مشكله الحلل موجوده

وده شكل جهاز بخار الوجه




هتجيبى حله وهتحطى فيها مايه مثلا لحد ربعها او نصها وتسيبيها تغلى على النار وتقومى جايبه من عندك شويه نعناع او شرايح ليمون او بابونج وده بيتباع عند العطار وتحطيهم فى المايه وتسيبيهم يغلوا شويه صغيرين اوووى وتجيبى غطا الحله وتغطيها وتوطى خاالص النار عليها

وتروحى بقى تغسلى وشك بالغسول اللى اشترتيه والمناسب لنوع بشرتك ودى الخطوه الاولى

PIC-163-1348950201.g


وبعدين بقى تجيبى فوطه وتغطى بيها شعرك وتقومى مقربه من الحله وانتى طبعا مغطياها وموطيه خااالص النار وتحوشى غطا الحله وتعرضى وشك للبخار لحد ما تلاقى البخار قل خالص تروحى مغطياها تانى وبرضه مش تعلى النار
وهكذا وهكذا لحد ما تكملى عشر دقايق او اكتر حسب ما انتى فاضيه ودى الخطوه التانيه

PIC-464-1348950201.g






وبعدين هتجيبى على طوووووووول الماسك اللى انتى كنتى مجهزاه وتحطيه على وشك


PIC-355-1348950201.g
PIC-729-1348950201.g


وبعد عشرين دقيقه شيلى الماسك واغسلى وشك بمايه بارده او ماء ورد بارد علشان تتقفل المسام وبعدين نشفى وشك وحطى كريم مرطب

وبكده نظفتى وشك من الشوائب ونضفتى كمان المسام اللى كانت مليانه اتربه وعامله رؤوس سوداء
وبعدها هتبقى زى القمر

PIC-400-1348950201.g



اتمنى يكون موضوعى نال اعجابكم ومتنسوش بقى تعملوا اختبار نوع البشره

فى امان الله



دلوعة حبيبها86
القلب المغلق للصيانه
class="quote">اقتباس : المشاركة التي أضيفت بواسطة دلوعة حبيبها86:
جزاكم الله خيرا
شُمس المعارف
طرح قيم ومفيد جداً لكل البنات
لان كل بنت تريد تعرف جمالها الطبيعي ،لازم تستمر بحمام البخار
الوصفات وطريقة الشرح راقية و رائعة
فسلمت يداكِ على روعة ورقي ماطرحتي

كل التقدير والاحترام لكِ
°o.OجوليO.o°
مشكووورة كثيراا ع موضوعاتك الرائعة كروعتك
وطرحك لها جمييل جدااا

بس مالقيت ماسك لبشرتي هههه
بشرتي مختلطة
بس مو مثل ماذكرتي انتي قلتي الانف والجبهة
انا مشكلتي في الانف والخدين بس الحمد لله حالي ارحم بكثير من حال اللي باول صورة هههه

تقبلي مروري وتقييمي
القلب المغلق للصيانه
class="quote">اقتباس : المشاركة التي أضيفت بواسطة جولي2000:
مشكووورة كثيراا ع موضوعاتك الرائعة كروعتك
وطرحك لها جمييل جدااا

بس مالقيت ماسك لبشرتي هههه
بشرتي مختلطة
بس مو مثل ماذكرتي انتي قلتي الانف والجبهة
انا مشكلتي في الانف والخدين بس الحمد لله حالي ارحم بكثير من حال اللي باول صورة هههه

تقبلي مروري وتقييمي
ربنا يكرمك ويسعدك يارب
انتى بشرتك زيى المشكله فى البشره دى لازم نستخدم منتجين واحد للبشره الدهنيه وواحد للبشره الجافه وبرضه الماسكات لازم نستخدم اتنين

تقريبا معظم اللى بشرتهم مختلطه بيبقى الدقن والانف والجبهه هما اللى دهنيين والباقى جاف وانا كده
الصفحات 1 2  3 

التالي

لزيادة جمال الشعر الطويل وزيادة بريقه بالصور

السابق

طريقتي في إخفاء وترتيب الحاجب مع الميك أب بالصور^^

كلمات ذات علاقة
للوجه , معرفه , البشره , تيار , حمام , نعمل , نوع , طريقه