الصمت في بعض المواقف شهامه - اروع قصيده

جتني تسلم في سلامه عمى عين ياليت ربي فكني من سلامه مدت يمينٍ ساعدتها الشياطين وزود على ضغط اليمين ابتسامه ثم اكشفت وجهٍ حوى كامل الزين بدرٍ تجلى عن...

مجتمع رجيم / قصيدة وشعر
بتول الغلا
اخر تحديث
الصمت في بعض المواقف شهامه - اروع قصيده

جتني تسلم في سلامه عمى عين


ياليت ربي فكني من سلامه


مدت يمينٍ ساعدتها الشياطين


وزود على ضغط اليمين ابتسامه


ثم اكشفت وجهٍ حوى كامل الزين

بدرٍ تجلى عن سواد الغمامه

وقالت بصوت بحه الهم والبين

والحزن واضح في ثنايا كلامه

وينك ثمان اسنين مالك عناوين

ولا لقينا بالوطن لك علامه

درت البلاد ودرت كل الميادين

ودرت الشمال ونجد واعلي تهامه

تركتني واقفيت مثل الشياهين

حطمت قلبي واسود الوقت ظامه

هل لا يزال الحب وسط الشرايين

والا خذا قلبك فريد العدامه

وتبسمت والدمع وصل الشفاتين

والحزن ركز بالضماير سهامه

قالت وانا صامت ولا قلت حرفين


الصمت في بعض المواقف شهامه

سحبت انا يدي وقفيت بالحين

وابعدت عن درب الخطا والندامه

حماني الله في ثلاثٍ مع الدين

العقل والعفه وخوف الملامه

احمد بن عبدالرحمن العريفي
أمواج رجيم

التالي

ذبحني غلاك اللي سرى مثل سم الداب - اجدد القصائد للعشاق

السابق

سوت بقلب المعذب زفه - قصيده جديده

كلمات ذات علاقة
المواقف , الصمت , اروع , بعض , شهامه , قصيده