عندك طفل عنيد ومش بيسمع الكلام حل مشكلتك عندى
مجتمع رجيم / موضوعات الأمومة والطفولة المميزة
كتبت :
القلب المغلق للصيانه
-
ازيكم يا احلى امهات
هكلمكم انهارده عن حل سحررررررى لمشكله الاطفال الابديه عدم سمعان الكلام والعند ودى مش مشكله فرديه للاسف كل الاطفال كده الصراحه غريبه اووى الحكايه دى الاطفال كلها مبتسمعش الكلام ده اكيد بقى فيروس ولا حاجه
المهم الاطفال دى بجد يا جماعه ملايكه احنا اللى بنخليهم عصبيين وبنخليهم عنديين وبنلخيهم كل حاجه هما فيها ليه بقى علشان الطفل عامل زى الورقه البيضاء انتى اللى بتكتبى فيها وانتى اللى بتخططى كل حاجه فيها
يبقى منلومش على الاطفال فى حاجه وفيه كمان امهات بتضرب اولادها وده اكبر غلط لان ده بنى ادم يا جماعه عمر الضرب ما هيجيب نتيجه بالعكس ده هيعند اكتر واكتر والله واحده صاحبتى فضلت تضرب فى ابنها لحد ما دلوقتى بقى يشوفها يصوت ويعمل بيبى على نفسه وجاله تبول لا ارادى من الرعب اللى عيشته فيه
بجد لاااااازم الرحمه واصلا هنضرب اولادنا ليه واحنا اللى دلعناهم وخلاناهم كده
معلش كان لازم المقدمه دى علشان اعرفكم ان الاهل هما السبب
الطريقه بقى السحريه دى شوفتها فى برنامج لـ opera winfrey بجد كانت روووووووعه كانت جايلها مشكله من ام وبتشتكى من عند اطفالها وانهم مش بيسمعوا الكلام
وقالت الطريقه دى وكل ده طبعا كفيديو وراحت opera معاهم بيتهم وطبعا زرعوا فى كل حته كاميرا علشان يصوروا النتيجه والصراحه انا اصلا مكنتش مصدقه النتيجه المذهله لانهم جابوا تصرفات الاولاد قبل وبعد الطريقه اللى قالت عليها opera
طريقه سهله جدااااااااا هفهمكم
هتجيبوا لوحه ولتكن خشب هتعمليها وتعليقها على حيطه اوضه نومه
وليكن زى دول حجم محترم مش صغير
وعلبه صمغ
وافرخ ورق زى دول وده متوفر فى المكاتب
هتحاولى بقى تعملى بورق زى شكل شجره على اللوح الخشب بس فروع بس من غير ورق زى دى ونلزقها بالصمغ كويس اوووووووووى فى اللوح الخشب
بس طبعا بشكل جمالى اكتر من كده زى دى من غييييير فروع
وهنجيب ورق اخضر وهنقطعه على شكل فروع وهنقطع كتير من الورق ده
وهنجيب بوكس شيك يتحط فيه الورق ده
وهى دى كل الحاجات المطلوبه بالظبببببببببط
ونبتدى الطريقه بسم الله
ابنك او بنتك تقعدى تتكلمى معاهم وتجيبى الحاجات اللى قولتك عليها وتحاولى تعمليها معاهم وقوليلهم انى دى لعبه صغيره هنلعبها وليكن لمده شهر او زى ما انتى عايزه ولو اتنين اخوات هتبقى احلى واحلى لانها هتبقى فيها منافسه
- وهتعملى الشجره على اللوح الخشب لوحدك مش معاهم بس خليهم يقطعوا معاكى حاجات خفيفه بس لااام انتى اللى تلزقى الشجره لوحدك وبعيد عنهم وطبعا هيبقى شكلها مش لطيف لانها الورق مش فيها هتتكلمى معاهم بقى وتقوليلهم ان الورق وقع منكم انتوا كل ما كنتوا بتزعلونى كانت ورقه بتقع لحد ما الشجره بقت كده
- وهتفهميهم ان الورق بتاع الشجر ده موجود وانهم لازم يعملوا حاجات حلوه كتير علشان الورق ده يرجع الشجره
- وكمان تقوليلهم ان اخر الوقت اللى انتوا تحددوه اكتر واحد فيهم ده لو اتنين اخوات هيرجع اكبر عدد من الورق على الشجره هيبقى ليه مفاجأه حلوه اوووى وليكن لعبه مستنينها وعايزنها اوووى لاب جديد موبايل اجدد من اللى عندهم اى حاه هما بيحبوها
- وتعرفيهم كمان انهم لما بيسمعوا الكلام وبيعلموا كل حاجه مامى بتحبها ورقه هتبقى فى الشجره
صدقينى بجد والله اللعبه دى جابت نتيجه تحففففففففه مع قريبتى لما قولتلها عليها مكنتش مصدقه عندها بنوتين ملايكه ما شاء الله
ملحوظه
بس لما ابنك يعمل حاجه صح الورقه تلزقيها وهو نايم على اساس يقوم الصبح تبقى مفاجأه ليه وصدقينى هيفرح اوووووووى بيها
وكمان تعرفيهم ان الورقه لما ترجع على الشجره ممكن تقع تانى لو عمل حاجه تزعلك
ممكن اول شهر مش هتفرق معاه تانى هيبتدى يتعلم بعد كده صدقينى هتلاقيه هيتجنن ويعمل حاجات صح علشان تتعلق ورقه واخر الشهر يتجاب له حاجه نفسه فيها
وانتى بقى حددى عدد الورق يعنى فهميهم مثلا عدد 50 ورقه فى الشهر يبقى كده فاز وهيتجابله اللى نفسه فيه بس اهم حاجه لما توعدى توفى يعنى لو قولتيله هجيبلك لاب يبقى هتجيبى لانه لااااازم يثق فيكى
وممكن انتى بقى بشطارتك تجذبيهم ناحيتك بالطريقه دى يعنى تكونى بتروقى مثلا وتقولى لبنوتك اعملى معايا كذا ولو بقيتى شطوره وعملتى هتتعلق الورقه بدل ما تتعلق ورقه هيبقوا اتنين فاهمه يعنى كل ما كبرت الحاجه اللى انتى عايزاهم يعملوها كترى الورق اللى هيتعلق ليهم
يارب اللعبه اللذيده دى تفيدكم وربنا يهدى جميع اولاد المسلمين