يوميـــViPـــاتي من جديد مع حمية دوكان Dukan Diet

اليوم السادس - (السبت 29/9/2012)
المفروض الفطور: بيضتين مسلوقات
الغدا: كان متأخر : كوب لبن بس
العشا: بيضة مسلوقة + كوكيز شوفان

اليوم السابع (الاحد 30/9/2012)
ناسية بس كان مضبوط نوعا ما

اليوم الثامن (الاثنين 1/10/2012)
والله إنه اليوم كانت نفسيتي زفت الزفت من البيت و شغل البيت و دراسة الاولاد الله يوفقهم ويصلحهم ومن كل شي
خربت النظام بس ما كثرت اكل
مثلاً كلت رز وهو ممنوع حالياً وشربت بيبسي بس حطيت 11 مكعب ثلج وياه فكان طعمه مثل الماي وكلت شوية خبز وهذا ممنوع بعد

ان شاء الله من بكرا ابدأ صفحة جديدة

اليوم التاسع (الثلاثاء: 2/10/2012)
النفسية كانت أسوأ بس الله بيعدلها ان شاء الله

الفطور : 2 بيض عيون بدون زيت + قشطة المراعي الطازج + خبز

الغدا: ربع دجاجة

العشا: سلطة سيزر بالدجاج من هرفي وصدر دجاجة

الرياضة: الله يجزاها إلي خبرتنا عن (تمارين التاباتا مع حنان وهبي ) سويتها مرة واحدة مع الفيديو لمدة 4 دقايق ..... والباقي شغل البيت.

************************************************

بالليل لمت نفسي على تخبيصات وتخريبي للنظام لأنه محد بيخسر غيري... وقررت أطنش كأنه محد عندي وانتبه لنفسي عشان آصل للوزن المثالي إلي أبيه شهر 1 ان شاء الله.

اليوم العاشر (الاربعاء 3/10/2012)
اليوم الصبح الساعة 5:ونص سويت فطوري : إلي هو الفطور الاول الصح من بعد يومين غلط
سويت أومليت ب 3 بيضات+ ملئ غطا حليب قليل الدسم + حبتين مشروم شرائح + فلفل بارد + قليل من جبن الشيدر شرائح.....
ملاحظة: الملح مسموح فيه لكني مو من محبين الملح

ألحين أنا في المرحلة الثانية من النظام (مرحلة الرحلة أو الابحار) ... عبارة عن تناوب الايام ما بين يوم بروتين فقط كالايام السابقة ويوم بروتين مع خضراوات ...وهكذا مسموح يكون التناوب يوم بيوم أو 5ايام بروتين فقط ثم 5 ايام بروتين وخضار... واستمر لين آصل للوزن المطلوب ...



الغداء:
الساعة 5 العصر --- صدر دجاج بالصوياصوص (قطعت صدر دجاج لشرائح وعصرت عليه ليمونة ورشيته بفلفل اسود عقب حطيته بمقلاة تيفال وحركته شوي عقب صبيت عليه ملعقة صغيرة صويا صوص وحركت شوي وعقب أخذت ملئ الكف من الخضراوات المشكلة (مجمدة) واضفتها للمقلاة وتميت أحرك لين نضج الدجاج)

العشا:
لا يوجد

الرياضة :
تاباتا 4 دقايق
زومبا : 20 دقيقة

مع إنه نفس التمرين

اليوم الحادي عشر (الخميس 4/10/2012)

الفطور:
الساعة 6--- بيضتين عيون بدون زيت وحطيت عليها شريحة جبن بدون دسم

تذكرت إني أمس ما أخذت الجرعة اليومية من الـ oat bran
فسويت لي الساعة 10 شبه مهلبية (ملعقتين شوفان + كوب حليب قليل الدسم + مغلف 1 محلي بدون سعرات+ ملئ غطا ماي ورد) وشربتها سائلة
وألحين اسوي غداي : حبتين مقانق دجاج مسلوقة + خضراوات مشكلة مجمدة مسلوقة خلطتها مع روب

والرياضة : بأروح السوق بعد شوي ..يعني مشي ووقفة

العشاء :
روب فواكه.