السلام عليكم
لي فترة انقطعت عن الدايت للاسف (الانسان ضعيف والحياة حلوة والنفس هيسة) .. الي يبي الترجمة يخبرني :)
المهم وزنت يوم الاربعاء الماضي 10/4/2012 وكانت الفرحة وصل وزني ل 78 وشويات بس الفرحة لأني
طلعت من category تصنيف البدين الي وزن زائد بس وأمس اكتشفت إن قياسي تغير من XL إلى L فقط
مع العلم في 25/6/2012 كان قياسي XXL ووزني 88.4 فالحمدلله كما ينبغي لجلال وجهه الحمدلله حمداً كثيراً مباركاً
ما شاء الله ..الله يبارك لها
المهم يا طويلات العمر ما ادري شو فيني لي كمن يوم أبي أخرب على عمري .... غباء صح ؟؟؟ والله نفس إلي بالرسوم المتحركة يوم يطلع فارين واحد ابيض والثاني أحمر فوق راس جيري واحد يوسوس بالشر
والثاني يطلب منه عمل الخير
... نفس الشي معي!! كأني ثنتين أنا الأولى تقول بس بيبسية وحدة! لين متى؟ الفواكه ما في أحلى منها.. وأنا الثانية بس اتحمل لين وزن 69 وآخذ بريك أو اغير النظام ... لا اخرب على عمري!! النتايج مبشرة مع هذا النظام والوصفات حلوة والكميات مفتوحة وباب الابتكار بالطبخ مفتوح ....
فقررت اني ارجع لحمية دوكان من البداية ابتداءً من يوم الثلاثاء 16/10/2012 ... كان المفروض من بكرا لكن لأني مشترية أناناس وكيوي وحرام أكبها (محد بالبيت يحب هالاصناف غيري) فبكرة باخلصها ان شاء الله واليوم التالي اعيد حمية دوكان من البداية من جديد....
ما ينفع اكمل لأني اكلت الكثير من المحاضير (خبز ورز وفواكه وبيبسي ومقالي) فلازم ابدأ من جديد
ومن بكرا باكتب يومياتي لأني احساس اني تحت العيون يلعب دور معي بضبط اليوم