دعوه فرحك هتبقى مميزه وشيك وصدقه جاريه وحسنات كتير

مجتمع رجيم / الاحاديث الضعيفة والموضوعة والادعيه الخاطئة

كتبت : القلب المغلق للصيانه

ازيكم يا احلى عرايس

هكلمكم عن دعوات الفرح وعندى فكره جميله اوووووى ومفيده جدا ومش منتشره

دعوات الفرح بقى كل العرايس بتعملها وكل واحده فرحها قرب بتفضل تفكر فى افكار جديده ومطرقعه وشيك لدعوات الافراح وطبعا بيتصرف عليها فلوس كتييييييييييير لانى كل بنوته حابه كل حاجه فى فرحها تبقى اغلى واحلى حاجه

ايه رأيكم انا هقولكم على فكره جميله اوى وشيك اوى وصدقه جاريه ليكى طوووووووووول عمرك وتبتدى حياتك بحاجه جميله وثواب كبييييييير

انا مبدأى فى الحياه اى حاجه بنعملها تبقى ثواب لينا فى قعدتنا , كلامنا , كتابتنا

وليه ميبقاش فى فرحنا برضه ناخد ثواب

ايه رأيك دعوه فرحك هتبقى مصحف

متخافيش هتبقى شيك وجمييله جدا جدا كمان

هتجيبى مصاحف جمله الجيب المتوسطه او الصغيره او الكبيره حسب مقدرتك الماديه

وهتاخديها لمحل طباعه اللى بيطبع دعوات الفرح عادى جدا جدا وهتقوليله اللى عايزه تكتبيه فيهم وهتبقى فى الصفحه الفاضيه اللى بتبقى فى المصاحف وليكن مثلا

نتشرف بدعوه سيادتكم لحضور عقد قران وزفاف

الانسه \........................... & الاستاذ\ ...............................

والتاريخ طبعا ومكان عقد القران والزفاف وتكتبوا بقى ارجو الدعاء لنا بالتوفيق

و اى كلام تانى بقى بس طبعا نراعى اننا بنكتب فى مصحف يعنى الكلام اللى غير لائق او كلام الحكاوى اللى بتبقى فى دعوات الفرح متنفعش يعنى كلام يبقى شيك وقليل ومعبر

ودى افكار للاشكال المصاحف والزيادات الشيك اووى اللى ممكن نزين بيها المصحف

ودى تتوزع بقى على قرايبكم هتبقى ذكرى جميييله اوووى وكل ما حد منهم هيقرى من المصحف هيفتكركم وهيدعيلكم هتكسبوا دعوات وحسنات كتير ان شاء الله

ولو بنوته عاجبتها الفكره وقلدتك وعملت زيك هيبقى فى ميزان حسناتك وهكذا وهكذا صدقيينى اعملى كده ومش هتندمى

وربنا يتمم لكل العرايس على خير

ويرزقنى بقى بأبن الحلال اللى راح رحله المريخ ولسه مجاااااش

ومبروووووك مقدمل لكل العرايس

كتبت : دكتورة سامية

جزاكِ الله خيرًا حبيبتي

حكم كتابة الأسماء على المصاحف

أرجو من حضرتكم الإفادة
هل يجوز لنا كتابه أسمائنا في بدايه المصاحف أو في نهايتها لأني سمعت أنه لا يجوز؟ ولكم جزيل الشكر

الإجابة
الحمد لله والصلاة والسلام على رسول الله وعلى آله وصحبه أما بعد:

فكتابة الأسماء في بداية المصاحف أو نهايتها، يختلف حكمها بحسب اختلاف قصد الكاتب، فهي جائزة إذا قصد الكاتب بها تعريف نسخته التي كتبها أو التي يملكها، لأنه لا يوجد ما يمنع ذلك، ولأن ذلك وجد في المصاحف المخطوطة ولم ينكره أحد -فيما نعلم- أما إذا قصد الكاتب لاسمه الرياء والسمعة أو طلب محمدة الناس والثناء عليه، فهذا لا يجوز له كتابة اسمه، لأن كتابته له وسيلة إلى محرم، والوسائل لها حكم المقاصد.
وبعض الناس يطبع المصاحف على نفقته أو يكتبها بخطه، ثم يوقفه ليقرأ الناس منها، ويكتب اسمه عليه طالباً من القارئين الدعاء له، وهذا أيضاً مما لا نعلم مانعاً منه، ما دام قصد الكاتب صحيحاً، والأولى له أن يترك ذلك، لأنه يخشى أن يجر إلى بعض ما تقدم من رياء ونحوه.
والله أعلم.

رقم الفتوى: 19266
مركز الفتوى
إسلام ويب

دعوه فرحك هتبقى مميزه وشيك وصدقه جاريه وحسنات كتير

مجتمع رجيم / الاحاديث الضعيفة والموضوعة والادعيه الخاطئة

خمسة أشياء كلنا نريدها ... والحل بايدينا

ملف الاحاديث الضعيفة المنتشرة