حد ضايقك اتحرش بيكى قبل كدا
مجتمع رجيم / موضوعات النقاش المميزة .. لا للمنقول
كتبت :
يالذيذ يا رايق
-
حد ضايقك اتحرش بيكى قبل كدا
حد ضايقك اتحرش بيكى قبل كدا
حد ضايقك اتحرش بيكى قبل كدا
حد ضايقك اتحرش بيكى قبل كدا
حد ضايقك اتحرش بيكى قبل كدا
موضوعى باين من العنوان هنتكلم عن التحرش او المضايقات او المعاكسات
بس انا عاوزه نتناقش ونعرف البنت تعمل ايه لما حد يضايقها
البنت لو سكتت بتحس بانتكسار وحق ضايع
ولو اتكلمت بتلاقى الكل ضدتها
فمثلا
*بنات كتير لما بتفكر تدافع عن نفسها بتلاقي اللى يقولها "خلاص بقى ياأبلة"
*بنات كتير لما بتفكر تدافع عن نفسها بتلاقي واحد "فاشخ ضبه" وبيضحك !!!!
*بنات كتير لما بتفكر تدافع عن نفسها أمها او أبوها بيقولوها اوعي تعملى كده علشان ممكن يكون معاه حاجة يعورك بيها او يرشها عليكي
*الأب أو الأم ممكن يقولوا لبنتهم "كويس انها جت على قد كده "
فين الحق بتاع البنت
دلوقت المضايقات وصلت لكل مكان
مواصلات وشوارع والمترو والقطارات
حتى وسط الجامعه والكليه
طب البنت تعمل ايه؟
محدش يقولى ممكن يكون لبس البنت هو اللى بيستفذ الراجل وتستاهل
لبس البنات ممكن يكون مستفز بس مش مبرر للتحرش أو انه ياخد مسكة ... علشان في ناس كتير بتمشي على رجلها والبي ام والمرسيدس جنبهم وبيستفزوهم برضه بس مابيفكروش ياخدوا لفة ... وفي ناس جعانة بتعدي على الجزارين ومنظر اللحمة بيستفزهم ومابيفكروش ياخدوا قطمة
قولولى البنت تعمل ايه
تلف وتدى اللى يضايقها المين على وشه
علشان تاخد حقها
فى بنات
لما حد بيضايقها بتمشى وتسكت وماتتكلمش وهو بيتمادى فالمضايقه بكلام قذر ممكن يوصل للبنت بانهيار من سماع الكلام دا
وفى بنات
لما حد يضايقها بتاخد حقها سواء انها تضربه او تهزقه او حتى تتف عليه
وفى بنات
لما حد يضايقها تروح تقول لاهلها واهلها يجوا عليها لانها هى اللى غلطانه
وفى بنات؟؟؟؟؟؟؟؟؟؟؟؟؟؟
وفى بنات؟؟؟؟؟؟؟؟؟
انا كبنت محترمه اعمل ايه من دول
علشان اخد حقى
باب المناقشه مفتوح للجميع
وعذرا على استخدامى الفاظ سطحيه ولكنها الانسب تعبيرا