كيفكم يا صبايا إن شاء الله كل أموركم تمام و ماشين على أنظمه صحيه مضبوطه ،
ما راح أطول عليكم إن شاء الله
أنا أمس كنت أتصفح النت و كذا و قررت أسوي : (DUKAN DIET)
و جلست أفكر إني راح أبدأ يومياتي هنا معاكم و راح أنزل صور وجباتي بإذن الله أول بأول .
و اللي حابه تبدأ معاي تتفضل عشان نشجع بعض و تسجل معلوماتها .
نصائح جانبيه :
- لا تحطي في بالك إنك لازم تنزلين وزنك كله خلال شهر أو شهرين .
- خلي أهدافك أوليه و بسيطه عشان كل ما تحققين هدف تنتقلين للهدف اللي بعده بسرعه يعني مثلاً لما يكون هدفك الأول اثنين كيلو و نزلتيهم بتروحين للهدف الثاني اللي هو اثنين كيلو بعد ، فما راح تحسين إلا و وزنك نازل بسهوله و يسر بإذن الله .
- خلي إرادتك و عزيمتك قويه .
- انسي جمل (أنا مستحيل ينزل وزني ، أنا ما أقدر لازم آكل ، أنا مستحيل أصير رشيقه و أنا .... )
- ركزي على الجمل الإيجابيه (أنا أقدر أستمر أنا أقدر أسوي رياضه أنا أقدر أصير رشيقه .... )
- حاولي ما تصيرين مهووسه من ناحية الأكل خليك طبيعيه جداً ، اشتري المواد الغذائيه قليلة الدسم لها نفس الطعم لكن أصح .
- نامي و اصحي بدري .
- حافظي على وجبة الفطور .
- حافظي على المشي يومياً لمدة نصف ساعه + تمارين جانبيه من ربع ساعه إلى عشرين دقيقه .
- داومي على أكل الزبادي بعد كل وجبه .
- داومي على شرب الماي قبل كل وجبه كاسين و بعدها بساعتين كاسين .
المرحله الأولى : هي مرحله تاكلين فيها بس بروتينات ( كل أنواع اللحوم و السمك و البيض ) مشويه أو مسلوقه أو مطبوخه بزبده نباتيه . و جميع مشتقات الألبان ( الحليب ، اللبن ، الزبادي ، الجبن ، اللبنه ، القشطه ) طبعاً راح تسألون عن كمية اللحوم اللي لازم ناكلها بالوجبه ؟ الكميه مفتوحه للشبع { بس يعني لا تزيدينها عن المعقول } أما مدتها فحسب عدد الكيلوات اللي تبين تنزلينها : - أقل من 5 كيلوغرامات : تستمر ليوم واحد . - من 5 الى 10 : ثلاث أيام . - من 10 الى 15 : خمسة أيام. بس ما تزيدين عن خمسة أيام .
الدكتور دُوكان للي حابه تتابع وزنها و كم المده اللي تحتاجها تكتب في محرك البحث GOOGLE : DUKAN DIET
كتبت :
جُمان
-
الإسم : جُمان
الطول : 149 سم
الوزن : 57 كيلو
الهدف الأول : 55 كيلو
كتبت :
جُمان
-
اليوم السبت 20 أكتوبر :
صحيت الساعه 9 و نص تروشت سريع و مشيت نصف ساعه على معده خاليه . و مع الحوسه و كذا ما مداني أفطر بس شربت أربع كاسات مويه
جات الساعه 2 شربت كاسين مويه و بعدها تغديت و وجبة الغداء كانت : نص دجاجه مشويه + صلصه حاره
الدجاجه المشويه تبهرينها بأي بهارات أنتي تفضلينها مكونات الصلصه الحاره : - سومطرا حاره - شطه حاره - ملعقتين زبادي - ملعقة خردل - قطعة جبن
****** تعشيت الساعه 7 و نص و وجبة العشاء كانت : - 2 بيضه مسلوقه - قطعة جبن - كوب شاي بالحليب (سكر ستيفيانا)
align="right">* موادي الغذائيه مستورده من أمريكا و بريطانيا و هي مخصصه للدايت ، (أسواق التميمي - الخبر)
