حليـــــــــــت مشكلــــه وطحت بمشكله اكبر بلييز ابي حل

مجتمع رجيم / فضفضة
كتبت : عروسه مزيونه
-
الســـــــــــلام عليــــكم ورحمةالله وبركاتــــه


اولا بليز اللي تقرا موضوعي ترد عليه لو كلمه جبرخاطر

انا في بداية زواااجي كنت اعاااانـــــــــــي من خيانة زوجي لي

كان يكلم بنات واااااااايد وجدامي ينكر انه يكلم وانااكنت متاكده لان كذا مره اخذ موبايله واتصل وترد

بنت وتقول هلا حبيبي والله كنت ابكي وامووووووت الف مره بالساعه

ومره فكرت اني اجرب طريقه اخليه يبتعدعن اللي يكلمهن

وبيوم من الايام قلتله بطلع مع رفيجاتي الحديقه وبالفعل طلعني واهو راح يتمشي مع ربعه بنفس المكان اللي انا فيه

ولما رجعنا البيت قعدت اسولف معه رفيجاتي يمدحونك ويسولفن عنك وااايد ووووووو لين ماجبت راسه

واهو انبسط يوميا جذي عالحال وكل مايجي اسوي روحي اتحجي بالموبايل مع رفيجتي وابين له انها تسولف عنه واهو انبسط ويجلس يمي

المهم مع الايام قلتله رفيجتي عندها مشكله وخاطرها تتكلم مع احد يحل لها مشكلتها شرايك انت تشوف شنو مشكلتها واذا تقدر تساعدها حرام تكسرالخاطر تبجي

قال اوكي ماعندي مشكله وثاني يوم وصيت اخوي يجيبلي موبايل وخط جديد وقلت لزوجي رفيجتي بتحاجيك بالليل اذا زوجها طلع

وزوجي طلع وانا اتصل عليه من خطي الجديد وقعدت اقوله المشكله طبعا غيرت صوتي وقلتله ان زوجي يخوني واني احبه وموحاس فيني ويطلع ينبسط وانا اتعذب ومن هالكلام

وووو فشنو اتفق انه يبقي معي ك اخ يساعدني ونسولف مع بعض عادي بما ان انا عندي خبر

وبالفعل ترك البنات اللي كان يحاجيهن واستمر مع البنت اللي هي رفيجتي يعني اناحليـــــــــــت مشكلــــه smile04.gif

وصار يسالني عنها واذا حاجيته من الخط الجديد ينبسط وفعلا علاقه اخووووويه

وغير رقمه عشان ماكو ازعاجات طبعا كل هذا صار لان لما كنت احاجيه من الرقم الثاني كنت انصحه يعني اعلمه ان كما تدين تدان ومن هالسوالف الي ان بطل سوالف البنات والغزل

لكن اناحليت هذي المشكله وطحت بالمشكله الثانيه انه استمر معي يحاجيني ع اساس اني رفيجتي لمدة 3 سنواااااااااات

والي الااااااان وصاار جدااااامي عادي يسولف عن بنات وعادي يدخل شات جدامي وعادي يحاجي البنات في البالرنقو صوتي جدامي بالعربي صار عنده عادي كل شي جدامي صرت عنده

صديقــــــــــــــــــــــــــــــــــــــــــــــ ــــــــــــــه والمشكله انه لما يحاجيني ع اساس اني رفيجته يقول تعالي عندنا البيت بسلم عليج عادي لو من بعيد ويقووولي انا بعد خليها تجي

انا انبسطت لانه ترك البنات لكن تعبت لان صار معي بارد كل شي يقوله لي حليـــــــــــت مشكلــــه smile24.gif والله مدري شنو اسوي


ادري تكلمت كثييييييييير وفي بعضكن فهمت الموضوع والباجي مافهمن صج مشكلتي عويييصه

بليز ابي حل
كتبت : مريم العنزي
-
يحياتي ياعروسه مزيونه انا قبل 5 اسنسن كنت نفسج بس زوجي ماكان يخوني بس قبل ازواج وللنحين شاكه بس تاب وللنحين شااااكه المهم انصحج يعمري تصاريحنه وتقولينه انا تعبت من خيانتك وهاسوالف وقولي البنت الي كنت اتكلمه انا صدقيني بينصدم وبيستحي وقولي له انا مابي اخسرك وانت تبي تخسرني ومن هاسوالف يعمري الله يوفقج ويبعد عنكم بنات الحرام
كتبت : أم ملك
-
حبيبتي لازم تعرفي إنو هذا زوجك على سنة الله مو صديق ولا حبيب أقعدي معاه وصارحيه بكل شيء وقوليلو قديش بتحبيه وصابره عليه وما بدك تخسريه وقبل كل شيء إتوكلي على الله وما يصيبك إلا لي كاتبو ألله لان مايجوز تعيشو هيك
كتبت : أمواج رجيم
-
الله يتمم حياتكم ع خير
كتبت : حبيبتي من تكون
-
حبيبتي يجب عليك ان تصارحي زوجك و ان تقولي له انك مللت هذه الكذبة قولي له انك تحبينه وايد
كتبت : عروسه مزيونه
-
الـــــــــــــــــف شكـــــــــــــــر لكل اللي ردن علي

لكن والله صعب اصااااااااااااااارحه بكذا تنعدم الثقـــــــــــــــــــه بيناااا

ويبقي يشك فيني لان كنت ادخل معه حتي الشات ف اكيد راح يقلب حياتي جحيم

مصارحه مااا اقدر لان اهو عصبي وااااايد والله جد تعبت من الموضوع

انا ابيه يكون لي زوج مو صديق لان صار بينا بروووووووووود وملل اذا ماكو سوالف عن بنات يتحجن عنه ماااا يسولف معي

والله العظيم احس حيااااااااااتي صعبه واهو كمان وااايد قاسي معي

واسلوبه معي كزوجه غير اسلوبه لما يحاجيني ك رفيجته بجد احتررت معه

واشكر كن مره ثااانيه

ع الرد


الله يوفقني ويوفق الجميع
الصفحات 1 2  3