اول لقاء مع عريسك

مجتمع رجيم / الموضوعات المميزه فى العروسة

كتبت : دلوعة حبيبها86

بصراحة يابنات قصتي كتيير تشبه قصة فافي
طبعا يعني من بلد واحد وافكار واحدة
تعرفت عخطيبي عالنت
وتواعدنا بس كنا نحنا ال2 من دمشق بقا اتفقنا ناخد اجازات كل واحد من شغله ونقضي نهار مع بعض
طبعا وصل يئبرني قبلي بساعة قال مشان ماوقف انتظره بالطريق والشباب تلطشني
فرحت من قلبي اديش بخاف عليي
وبس وصلت لعند الكافتيريا يلي اتفقنا نلتقى فيها
دقيتلو عالجوال وقلتلو تعا دخلني لعندك بخاف فوت لحالي
وهنا كانت الصدمة طلع من الكافتيريا وقلي اتفضلي بلا ماينظرلي ولانظرة
قلت لحالي من اولها ....................وطول الجلسة مانظرلي غير مرة وحدة
بس جلسنا كان هو صامت لأنه سوبر خجول وأنا شخصيتي قوية بقا انا عرفته عتفاصيل حياتي كلها
قلي ممكن رقم البيت لابعت الوالدة تخطبك قلتلو ليش انت نظرت لي بالأول قبل ماتبعت الوالدة
ضحك وقلي نظرة وحدة تكفي
حضورك رائع وشخصيتك روعة ومافيني انظر كتير بلكي الله ماكتبلنا نكون لبعض
طار عقلي بأخلاقو وكان جماله عادي بس كان طوييييييييييييييييل وهاد كان حلم حياتي
وجاءت امو شافتني وماطاقتني وقلي مافينا نكمل
وبعد شهر رجعت امه وطلبتني لأن كان رح يموت بلايي(يعني حكم القوي عالضعيف ههههههههه)
وكنت طاير عقلي من الفرحة لأن والله العظيم رجال بكل معنى الكلمة والأخلاق لايعلى عليها
وسوبر هادي ولو وصل لقمة الغضب ما اسمع منه كلمة مو منيحة
كنت عاملة كريم كراميل وكيك تفاح بالقرفة وعصير تفاح بالمانجو
واكتشفو اني طباخة ماهرة
واتزوجنا والحمدلله لساته بموت فيني ولسة حماتي مابتطيقني ( بس لأنه انا مو اختيارها)بس باقي اهله كلهم بيحبوني كتيير
ووالله كل ليلة بحمد ربي انو كان زوجي انا مو زوج حدا تاني
وأكيد كل يوم بقله ( يئبرني ربك ......... شو قلبي حبك )
موضوع رائع غاليتي والله بيجنن تستاهلي احلى تقييم

كتبت : ناثرة المسك

هههههههههههه ما شاء الله
قصصكم جميلة جدا
وكثير رومنسية

يسلمو حبيبتي هنا لهذا الطرح الرائع
تقبلي مروري وتقيمي يا عسل
وراجعة اكتبلك قصتي
ان شاء الله

كتبت : مايا حبيبتي

كتبت : أنثى أبكت القمر

والله استمتعت كثير وانا عم اقرأ قصصكم الرائعه كروعتكم
وانت هنوووووووووو حبيبتي منين بتجيكي هالافكار المميزه
ربي يسعدك ويوفقك يااااااااااااااااااارب

شوفي ياستي انا عريسي بيكون ابن عمتي
وبلشت قصة الحب وقت رجعت مع اهلي واستقرينا بسوريا

صرت وقت اطلع من المدرسه لاقيه واقف عم يستناني ويضل يلحقني
لاوصل على البيت وكل يوم على هالحااااااااااااااااال
واذا رحنا رحله طول الرحله عم يتاملني واذا حدا لطشني يجن جنانه ههههههههه
المهم اجى يوم وعزموني بيت عمتي لعندهم طبعا انا واختي
وصارحني بحبه انا اتلبكت وماعاد طلع الحكي معي والمضحك انه عطاني رساله
وكان بدو ردي عليها بالموافقه عليه او الرفض ورديت بالرساله
وطبعا كعاداتنا اجى كبار عيلته وطلبوني ووافق والداي
ولانه نحن قرايب مافي لزوم لنشوف بعض لبسنا المحابس بالاول

ويومها كان هو واهليته واهليتي ولبست فستان أسود ضيق قصيرقليلا وعليه شيفون أخضر
بيشبه هذا بس عليه طبقة شيفون خضراء والاكمام سودا ضيقه ومن الاعلى منفوخه وشيفون

وكنت مو محجبه لسه فعملتلي اختي شعري سنبله

وبدون مكياااااااااااج لأنه والدي ما كان يحب انه نحط مكياج بحكم انه عمرنا صغيرولاحقين على المكياج
ومافي أحلى من الوجه الطبيعي
وكانت بشرتي من كثر تعرضي للشمس بمعسكر المدرسه سمرااااااااااااااااا غامقه بس بتجنن هههههه

ولبسنا يومتها محابس فقط وطبعا كان في كاتو من صنع امي لأنها مبدعه بكيك البلاك فورست

والفواكه

والحلويات

وطبعا اساس اي طاوله سوريه التبوله

بس بعد سنه عملولي خطبه جديده حفله كبيره وفرقه موسيقيه ههههههههههههههه
كل الناس بحفله الا انا بحفلتين هههههههههههههههه
ولبست فستان أبيض وساويت شعري واخيرا حطيت مكيااااااااااااااااااج
وتوته توته خلصت الحتوته
حلوه ولا فتفوته
وأكيد أحلى تقييم لمواضيعك المميزه يلي بتخلينا نعرف بعض أكثر حبيبتي