يوميات رجيم البنـــــ ام ــــــــات

مجتمع رجيم / أرشيف رجيم

كتبت : ام البنات المؤدبات

اخيرا خلصت اليوم السابع من الرجيم
وطبعا وزنت
ولقيت الوزن

\
\
\
\
\
\
\
\
\
\
\
\
74
يعني خمس كيلو نزلتهم ماشاء الله الله يتتم علينا الصحة والعافية

راح اريح يومين وابلش في رجيم التمر ان شاء الله
الحين ان شاء الله راح انزل لكم الرجيم الي اتبعته

كتبت : ام البنات المؤدبات

اليــوم الأول : الشوربة الحارقــة
+
عصيـر برتقال غير محلـى
+
فواكـه ماعدا الموز
+
10 أكواب

اليــوم الـثاني : الشوربة الحارقــة
+
جميـع أنواع الخضروات بدون إضافات ( ممنوع البقوليات، الفول، الذره )
+
بطاطا مشـوية
+
10 أكواب مـاء

اليــوم الـثالث : الشوربة الحارقــة
+
فواكه اليوم الأول + خضروات اليـوم الثاني
+
10 أكواب مـاء

اليــوم الـرابع : الشوربة الحارقــة
+
عدد (8) حبات موز مع حليب خالي من الدسـم
=
حبتين الصبح
حبتين الظهر
حبتين العصـر
حبتين العشاء
نخلطهم مع شويه حليب خالي من الدسم

اليــوم الـخامس : الشوربة الحارقــة
+
دجـاج مسلوق أو سمك فيليه مسلوق أو لحم عجل
+
طماط
+
12 كوب من المـاء

اليــوم الـسادس : الشوربة الحارقــة
+
خضروات ماعدا البطاطا
+
لحــم عجل
+
12 كوب مـاء

اليــوم الـسابع : الشوربة الحارقــة
+
عصير فواكه و خضروات
+
12 كوب مـاء

تقدرون تشربون شاي وقهوة بدون سكـر
كنت أشرب شاي اخضر و زعتر بدون سكر

فـ نهايـة اليوم السابع بنكون خسرنا
4 - 7 كيلو
اذا نزلتـي 7 كيلو لازم توقفين 4 ايام راحة
عسب لا تتعبين او يأثر عليك
طبعا" بتاخذين وزنك قبل لا تبدأين و قياس خصرك
و بعد ما تخلصين 7 ايام تشيكين عالوزن

طبعا" كنت خايفة اذا وقفت يرد الوزن
بس الحمدالله الوزن تم مثل ما هو

وعسب لا يأثر على الحلوة الشهرية
تحسبين متى بتيج و توقفين قبلها بأسبوع
لأن فقدان الوزن يأثر عليها
انا بديت اسبوع و وقفت اسبوع راحه وبعد الحلوة اكمل
اذا حامل او مرضع ممنوع تسويتها
عندج أمراض لاقدر الله فقر دم ولا شي ثاني لأ تسوين
إلا بعد إستشارة طبيب
مب ناقصة دعاوي من حد
كل وحدة تتحمل مسؤولية نفسهـا

ممنوع الخبز بكل انواعه خلال هالرجيـم
ممنوع المشروبات الغازيـة
المـسموح فقط اللي ف الجدول
اذا تاخذين أدوية تقدرين تاخذينها عادي ( الأفضل إستشارة طبيب )

كتبت : سمنتي سبب تعاستي..

موفقه

كتبت : ام البنات المؤدبات

مقادير الشوربه الحارقة
الي انا اعتمدتها
نقطع (6) حبات بصـل
و (6) حبات ثـوم
كرافس
2فلفل حلو
و 4طماط
راس ملفوف
و نحطهم ع النـار

وبعدها نفرمهم بعد الطهي بالخلاط
هاي المقادير لاسبوع بس انا سويت نصفها وبعدين نصف
لانها صارت بعد اربع ايام لا تطاق طعمها وععععع

راجع بعد ما ارجع للرجيم باذن الله