إيدين الأب بِتْلَمْلِم حِتَتْ لَحْمُه
وأم تِنَشِّف بِطَرْحِتْها نُقَط دَمُّه
بَاعْتِين العيال للمدارس يتضربوا ويِتْهانوا
ولَّا على شريط السِكَّة يِتْفِرْموا
...............................
هتقولوا تاني بالسلامة الصبح ولَّا الوِداع
عَادِّينهم على إيديكم ، ولَّا ضاع من ضاع ؟!
خلاص الموت بقى عندنا بِ الكوم !
واللي يرجع سليم يبقى ربنا رحمُه
........................................
إبكي يا أُمُّه واسقي الأرض من دمعك
واِدعي بِعِلْو صوتك على كل مِن ظَلَمِك
قاتل مُهجتك وحِتة من كَبَدِك
بكرة يجيلهم يوم فِ مصيبة يِتْلَمُّوا
......................................
أحضن وضُم يا أبوه ابنك المخطوف
لسه الفِطار في الشنطة والمصروف
ونشيد العلم كان وقفة حداد اليوم
وكراسة الشهيد حافظة بالشرف اسمُه
حسبي الله ونعم الوكيل
والله ان القلب بكى قبل العين
الله يرحمهم ويمنح الاهل الصبر والسلوان
شكرا حبيبتي لكلامك الرائع والنابع من قلب حزين
تقبلي مروري وتقييمي