وإذا يعني تضايقنا

مجتمع رجيم / قصيدة وشعر
كتبت : سسخه
-
وإذا يعنى تضايقنا..؟
تغيّر شي ؟
وإذا مات الزهر ف اجمل حدايقنا
تغيّر شي ؟
وإذا ب هدومنا ضقنا
تغيّر شي ؟
كثير نمر بعض احيان بـ ضيقة بال
زعل صاحب
وحاجة مال
شتيمة شخص مايعرفك
عتب قارئ
ونزعل حيل نتضايق
,
وإذا يعنى تضايقنا
هي الضيقه بتكون الحل!!
اذا كانت شموس الوقت تحرقنا
هي الضيقه بتكون الظل!!
إذا غابوا جميع الناس وتفارقنا
هي الضيقه بتكون الخِل!!
وإذا يعني تضايقنا..!!
وكثير من التعب ذقنا
وسهرنا الليل
بيجى صبح ويفرقنا
ونبكي سيل
لين الدمع يغرقنا
ولابه شخص ف الدنيا بليا هم
أحد ضايق
سبب فاتورة الجوال
احد ضايق
عشر سنين متزوج وربك مارزقه عيال
احد ضايق
لأن البيت به صجه وزحام أطفال
أحد ضايق
من السكّر
أحد ضايق
لأنه نايم مبكّر
أحد ضايق
لأنه حبها بـ خبال
أحد ضايق
لأنه مامعاه ريال
هموم أكثر من اللازم وتخنقنا
سؤال الحال!!
وإذا يعني تضايقنا..؟
.
وإذا يعنى تضايقنا..!
من اللاشى
الى اللاشى
على اللاشى
تخانقنا
وندخل فى نوايا الناس
أظن فلان يقصدنى
أظن السيده فلانه تسب الانسه فلانه عشان العانسه فلانه
أظن الناس هنا بالحيل تكرهني
أظن السيده فلانه تعالج من مرض نفسي
أظن فلان غبى ويشابه الكرسي
أظن فلان لها يكتب شعر حتى تغنى به
أظن البنت بنت شيوخ
أظن البنت لعّابه
أظن البنت كذابه
أظن البنت حطت (ورد) وسط(الرد) سبب من شان نتعرّف
وأتقرف
ترانا ناس فينا كذب
وغبى منهو يصدقنا
وإذا يعني تضايقنا..!!
.
وإذا يعني تضايقنا..!
إذا راحوا
وخلّونا
نسوا كل الكلام العذب
بكّونا
وعرفنا بـ يوم بأن كل الحكايه كذب
ملّونا
وإذا خيّم علينا الليل
ماأشرقنا
وإذا ضقنا
وصار الحرف حبال فى مشانقنا
بعد هذا
وإذا يعني تضايقنا..!

إذا هذا الزمن لبّسك ثياب ف يوم مو قدّك
بتحط ايدك على خدّك
وتبكي حيل
إذا هذا البحر ضيّق ولايقدر على مدّك
بتحط ايدك على خدّك
وتبكي حيل
إذا كل الجمر هذا عجز يصنع عطر ندّك
بتحط إيدك على خدك
وتبكي حيل
إذا خدك طبع حزنه على يدك
وعرّقنا
أقول لك شي
وإذا يعني تضايقنا..!!
.
وإذا يعنى تضايقنا..!
وطفينا دروب النور
وعتّمنا
المدن والدور
ويتّمنا
شجر وزهور
وكتّمنا
رقيق شعور
وشتّمنا
علو السور
عشان اشياء هى الاتفه من الأتفه من الاشياء
رجل خاين
” ماهى دوم الرجال تخون..!”
وماهو باين
وجود عيون
خيانة بنت
” ماهى كل البنات تخون..!”
لكن انت
ترفرف من تنادى لك” حبيبي
العاشق
المجنون”
وبعد هذا
وإذا يعني تضايقنا..!!

ومشوا عنّا كثير اصحاب
وتفارقنا
وشققنا الورق للريح
بعض فرقا
تكون الحل قبل نطيح
بعض فرقا
مثل جمره وحنّا الشيح
بعض فرقا
كثير أكرم من التجريح
بعض فرقا
تجي جيّة دعا وتسبيح
كثير أصحاب فارقنا ونسيناهم
كأن كانت علاقتنا علاقة وقت
مصالح وانتهت
يمكن
قرابة دم أو جيران
يمكن
تشابه هم
يمكن
واللى يهم
ماضقنا
وإذا يعني تضايقنا..!!
وطيّرنا فراش النوم
ومسحنا كل الوانه
وإذا سيطر على جوّك حزن ووجوم
وبديت تفسر الاشياء على كيفك
زعلك لـ غيبة فلانه
وبنت كنت تعرفها قبل مده وتفارقتوا وجتك تقول:
ولهانه
وبنت كل ماتحاول تصارحها بـ أحبك حيل
تستأذن:
بروح آنام نعسانه
وبنت تعشق الدافى من الهرج
وتمرّك حيل بردانه
كثير أشياء غلط حولك
وجوه الناس
تعبانه
قلق مدري طفش مدري تعب مدري قرف مدري ترف
مدري الناس زهقانه
كثير اشياء
تزهقنا
وإذا يعني تضايقنا..!
بيهمّ الناس
بيخلّي أحد بارد
يفيض إحساس
بتصنع هذي الضيقه علاقة حب مابين الحطب والفاس
وإذا يعني زعلنا بيوم
لإمر ما
وطار نعاس
وإذا فينا خنقنا أنفاس
وحلّقنا
يتغيّر شي إذا يعني تضايقنا؟؟
وإذا يعني تضايقنا!!
ماهو حتى المطر يهجر حديقتنا
وتنبت فينا ضيقتنا
وتغرقنا سيول الملح
والدمعه صديقتنا
ولابه شخص ف الدنيا تهمه ضحكتك غيرك
لذا إضحك
ولاترمي بذور الشر في خيرك
لذا إصحك
كثير اشياء من الأجمل تحاول دوم تسرقنا
لذا اضحك
وقول بحب:
وإذا يعني تضايقنا!!
وإذا يعني تضايقنا
بهدوء أكثر…!!
وإذا يعني تضايقتي
وجمعتي كل هـ العتمه
ولا أشرقتي
وقلتي في قرف مزمن :
أحس الوقت
مو وقتي!!
وإحس اني تعبت أكثر من الأكثر من همومي
وقولي لطيحتك:
قومي!!
وقولي لكل هذي الأرض:
بآعلّي..
و إنطري غيومي!!
تعبتي كثير تلومي النفس
ويخنقك البكا ساعات!
ولا واحد بحزنك حس
بدفا العبرات ..
وإذا يلمح أحد تقصير كذا من غير مانقصد
هنا تنصب مشانقنا
بعد هذا
وإذا يعني.. تضايقنا ؟
ــــــــــ
لفنان الكلام : عارف سرور


مما راق ليتضايقنا rr.gif
كتبت : ♥♥..fafy..♥♥
-
حبيبتي الله لا يجيب ضيق ولا عذاب
تسلم اديكي على هالنقل الجميل
والفضفضة الحلوة
كتبت : سماء ميرال
-
تسلم ايدك ويعطيك العافية
كتبت : سسخه
-
يعطيكم العافية يالغوالي نورتو
كتبت : أمواج رجيم
-
تسلم الايادي ع النقل المميز

التالي

انا حبي مش...........................

السابق

فى حب رسول الله ـ صلى الله عليه وسلم ـ متجدد

كلمات ذات علاقة
تضايقنا , يغني , وإذا