سؤال لكل وحدة نزل وزنها....معاً نتشارك ونستفيد من تجاربنا

مساء الخير حبيبتى من عيونى
شوفى حبيبتى اكبر أزمة فى السمنة هى العيش
جربى امنعى العيش لمدة شهر حتشوفى نتيجة مذهلة جدا العيش سعراته عالية جدا تخيلى فطار وغذاء وعشاء بتعدى سعراتك الاساسية بسببه
اول حاجة عملتها منع العيش تماما لمدة شهر
ثانيا ببداية الريجيم لتنشيط الجسم وتقبله للريجيم بدأت بريجيم كيميائى لمدة ثلاثة أيام فقط انتبهى جدا الريجيم الكيميائى ضار للجسم لو استخدم أكثر من اسبوع انا يا دووب ثلاثة أيام عشان اتجنب المخاطر وخسيت 4 كيلو
ازاى بقى ريجيم كيميائى أرز مسلوق بدون سمنة ولا زيت
طبق على الفطار بيسد الشهية تماما لان طعمه صعب شوية
وطبق على الغذاء وممكن معه ربع فرخة مسلوقة وشوربه
وطبق على العشاء وممكن كمان تستغنى عن العشاء لانه بيقفل الشهية
وطبعا احنا متفقين ان ما فيش عيش لمدة شهر
دى البداية اللى عملتها ونجحت جدا ونحفت 4 كيلو
ثانيا بعد مرور الثلاث أيام طلعنا من الريجيم الكيميائى ودخلنا بالريجيم العادى

ثالثا عن تجربة لاحد اقربائى الجيلى مفتاح التخسيس حقولك ازاى
الفطار طبق جيلى فراولة او مشمش ويستسحن مشمش لانه مز أكثر وممكن معه كوب لبن خالى الدسم
بعدها بساعتين باكو بسكويت سادة
فى بسكويت سادة اسمه ديمة بالشوفان رائع للتخسيس لان الشوفان يملأ المعدة ولا يحسسك بالجوع
لو ما توفر أى بسكويت سادة وامضغى بعدها علكة صغيرة
عشان تشغلى فمك وما تاكلى مرة ثانية

رابعا الغذاء براحتك لانك مانعة العيش بس بكميات اقل ودهون اقل والارز والمكرونه طبيعى خلال الشهر مسلوقين حتى الفراخ
خامسا العشاء طبق جيلى وممكن شاى بملعقة سكر واحدة ( يستحسن معلقة سكر واحدة باليوم )
سادسا موعد الغذاء الثالثة عصرا او قبل لان فى هذه الفترة الحرق سريع جدا والعشاء الساعة السابعة او الثامنة مساءا لان فى الليل يتوقف الحرق تماما
سابعا استمرى على هذا النظام وحتفقدى وزن كثير لكن فى مرحلة معينة وزنك حيثبت طب ايه الحل
نرجع بقى ثلاثة ايام كيميائى أرز مسلوق فاصل يعنى لتنشيط الجسم لانه اتعود على الريجيم ونرجع بعدها لنظامنا تانى
ثامنا الميزان أصح ميزان هو صباحا عند الاستيقاظ وبعد دخول الحمام لأن الميزان يتغير طول اليوم على حسب الأكل وشرب الماء والانتفاخ
أصح ميزان هو صباحا لتعرفى وزنك الحقيقى
واوزنى نفسك كل اسبوع
تاسعا فى مرحلة معينة حتحسى انك فقدى وزن كبير والملابس وسعت ووزنك على الميزان عادى انا مثلا بعد 13 كيلو فقدان وزنى 67 لكن حاسة وباَراء الناس اللى حولى 65 او اقل
السبب ان الدهون بتتحول لعضلات وده اللى بيخلى الميزان ثقيل
عاشرا زى ما قلت بالنصائح اللى فوق ابتعدى تماما عن شرب الاعشاب والوصفات العجيبة لانها تهضم الاكل بسرعة وتشعرك بجوع فظيع
والنوم مبكرا فى بداية الريجيم لان مع السهر النفس امارة بالسوء
اختى صدقينى وبعد ما خسرت الوزن ده جيت يوم قلت الخبط واكل كل اللى فى نفسى ما قدرت خلاص جسمى اتعود على الاقل
ولازالت مانعة العيش عدو النحافة

وحاولى تكفئى نفسك كل ما تفقدى وزن وتشترى ملابس حتحسى بسعادة لما تدخل فيكى المقاسات الاقل

واخيرا للامانة انا نحفت كثيرا بس وجهى باظ شوية ونحف والسبب انى وحشة خالص ومش بحب الماء مش بشرب مية خالص ولا باكل فاكهة
شرب الماء والفاكهة بيحافظ على جمال الوجه ولا يتأثر بالريجيم
بس الفاكهة بعد الاكل بساعتين وممكن تقطعيها على الجيلى

فى حاجة كمان منع العيش سبب لفترة امساك واخذت ملينات لان طبيعى مش بتاكلى الياف ودا عادى

وما تنسينى بدعواتك وأى استفسار انا حاضرة انا فاضلى 7 كيلو على وزن 60 دعواتك لى