طريقه رجيمي يالي نزلت فيها 20 كيلو
مجتمع رجيم / تجارب الرجيم الناجحة
كتبت :
ام احمد123
-
رجعت لالكم مره تانيه بناء على طلب الجماهير
طبعا بعد ما حكيت لالكم حكايتي هلا راح اقولكم شو عملت بالزبط والله ما راح تندمو باذن الله واقسم بالله راح تفرحو بالنتيجه بس اهم شي لالكم الاراده ثم الاراده ثم الاراده والتصميم بجد وما تقولي راح بلش اول اسبوع او اول الشهر
بلشي من هلا وصدقوني والله ما تخسرو بالعكس راح تستفيدو كتير كمان شغله بحب احكيها لالكم ومو خساره باحلى عضوات انه راح تتحسن بشرتكم والله مو بس جسمكم اتاري فعلا المعده بيت الداء والدواء المهم ندخل بالشي المفيد 
انا طبعا كنت بعمل نظام لوحدي ما كنت مع اخصائيه او شي من المنتديات وعملت لحالي برنامج يعني بتحضري قلم ورقه وتكتبي كل شي راح تعمليه وتمشي عليه
بنات راح تحسو بدوخه اول اسبوع وتعب
وممكن تضعف ارادتكم بس لا تخافو استمرو وما عليكم شر باذن الله تتحسنو وتتعودو على هالشي
وزني كان 98 بالزبط اول ما بلشت وهلا صار 75 وميزان تاني 78صراحه حتى اكون معكم صادقه كمان بحب اضيف انه ممكن النفسيه كان لها دور
الله اعلم المهمةاول ما بصحى من النوم بشرب كاسه ماء مع عصره ليمون عليها وم ص كركم هاد كل يوم الصبح بنات الكركم بس لمده 21 يوم بس بعد هيك بتشربي ماء وعصير ليمون بس عشان قرات ان الكركم اكتر من 21 يوم بيضر معلش بنات اتحملوني بس هاد عشان الامانه ما بحب ضر احد
بعد هيك كنت بشرب عصير كلامنتينا طبيعي ما بعرف شو اسمها بباقي البلدان بس هي متل البرتقال هاد على طول الشهر
الاعشاب يالي كنت بشربها ما كنت منتظمه شي صراحه احيانا كنت بشرب نعنع وايام زنجبيل وايام شاي اخضر بس اكتر شي شربته الشاي الاخضر والزنجبيل
وكل شي لوحده ما كنت اخلط ابدا
هلا نيجي للجسم وانا عن نفسي حسيت بفرق كتير يمكن انه نزل السوائل كنت بدهن جسمي زيت زيتزن وبلف نايلون عليه قبل ما امشي او العب رياضه واخليه طول اليوم وانا اشتغل بتحسي جسمك مليان ماء بس دفيه كويس وانت حاطه النايلون الافضل تلبسي صوف عشان الدفا ومن حظكم الدنيا برد يعني ما راح تتعبي منه وهاد كتير مهمة
الرياضه كانت نصف ساعه على السيكل
واحيانا ربع ساعه ما كنت اجهد حالي خاصه اني كنت ما اكل فكنت اتعب لواجهد نفسي المهم ربع ساعه سيكل وساعه مشي وطبعا هاد كله والنايلون موجود على فكره بنات انا ما كنت امشي بالشارع كنت بمشي بحديقه البيت واحيانا عشان اتشجع اكتر بنادي جاراتي وامشي انا وياهم يعني متعه وتتعودي وهلا لو ما مشيت بحس حالي مضايقه لازم امشي تعودت وارتحت كمان ووجع الارجل يالي كان عندي راح كله ولله الحمد وكمان شي كنت بطلع الدرج كتير وحتى لو كنت بدي زور حدن ما اركب امشي مشي بالاول كنت كل مشوار لازم سياره هلا اختلف الوضع حتى البيت صرت انا بشتري لماما كل شي بس عشان الحركه هاد بالنسبه للرياضه والمشي وقبل كل شي نسيت ائولكم من الزيت بيصير جسمك كتير ناعم وطري يعني عصفورين بحجر ههههههه
وهلا نيجي للنظام الغذائي
اول اسبوع انا قسمته وعملته لوحدي وكنت مسجلاه على دفتر وماشي عليه بالزبط اول يوم كله تفاح
تاني يوم برتقال بنات بس نوع واحد من الفواكه طول اليوم اي نوع عندك
تالت يوم اناناس ورابع يوم برضه اناناس وخامس يوم كيوي واناناس
وسابع يوم اكلت تفاح وبرتقال هاد اول اسبوع ونزلت 7 كيلو وانا مسجله الظام عندي وكاتباه كله باليوم والساعه
الاسبوع التاني نزلت 6 كيلو وكان كله سلطه بالنهار وتفاح بالليل
والاسبوع التالت اول تلات ايام بطاطا مسلوقه وتلات ايام طن معلب بلا زيت واخر يومين نسكافيه بس والصبح بيضه هاد اخر يومين بالاسبوع التالت
الاسبوع الاخير كل يوم الصبح كاسه نسكافيه طبعا حليب خالي الدسم وسكارين وبيضه
الغداء كل الاسبوع دجاج مسلوق او لحمه مشويه
العشاء حبه تفاح او كيوي او اناناس يالي كان موجود هاد نظامي طول الشهر يعني بشهر نزلت 20-----22 اكيد مع اني في يوم منهم اكلت بيتزا شوي بس عوضت هاد بالمشي مشيت يومها ساعتين ولعبت كتير حتى اضيع يالي اكلته واهم شي كتري شرب ماي
والله بنات شعور رائع
اولها راح تتعبو استمرو ولا تياسو والله كنت متلكم
اسمع قصص وقرا وما اصدق لحتى صار هالشي معي والله الاراده اهم شي وثبتي وعلى فكره راح تتعودي لوحدك انت ما راح تحبي الاكل ولو خبصتي راح تندمي عشان هيك صممي وتوكلي على ربك صدقوني انا كنت متلكم والله تعبانه وميؤوس من حالتي وكان بشرتي من خبايص المعده معدومه بس هلا والله فرق كبير مبينه اصغر بكتير وبشره صافيه حتى شعري رغم انهم بيقولو بالرجيم بينزل الا انه تحسن اهم شي كل يوم على الريق عصير الكلمنتينا او برتقال وكاسه الماي وعصره الليمون وكل ما حسيتس حالك بتشربي شي اشربي نعنع او زنجبيل او شاي اخضر بس كل يوم شكل حتى ما تملي هاي تجربتي ويا ربي تستفيدو متل ما استفدت وصدقوني اقسمت اني افيدكم متل ما استفدت ربي يوفقكم وانا راح استمر باذن الله لحتى وصل الوزن المطلوب تشجعو بنات والله راح تحسي حلم وتحياتي لالكم وربي يوفقكم وما بدي غير دعواتكم واللي بتجرب تجربتي بالله تحكي هون للبنات حتى يصدقو انه في امل بالنزول وحياه جديده
وخلي شعاركم انا موجود فانا اريدو
للسمنهصحيح نسيت احكيلكم انه بين باللبس اكتر والكل لاحظ الفرق عندي وهسه انا
اخر وناسه
