ورجعت لكم تانى فى ال من جديد بأحدث حصرياتى وهو عشا العروسة ولا اطعم
النهاردة جبت لكن اخواتى وبناتى صينية الاتفاق زى ما بيقولوا بتاعة بنتى ايمان اللى اتجوزت يوم الجمعة الماضى عقبال كل بنات المسلمين وهو عشا متواضع بس الحمد لله ندخل بقى على اول حاجة وهى
حمام بالفريك ولا اطعم
المقادير
جوز حمام مش كبير علشان يبقى سهل فى الهضم للعرسان
بصل وفصين توم
فريك
ملح وفلفل وتوابلى الخاصة
(بودرة بصل وتوم-كارى وكركم-شطة -كمون بسيط)
كبد وقوانص الحمام مقطعة صغير
الطريقة
بنقى الفريك وننقعه نصف ساعة ثم نضع البصل والتوم
ثم نضع الكبد والقوانص والتوابل كلها
ثم نكون محضرين الحمام مغسول وزى الفل
ثم نحشيه بالفريك ثم نقفل الحمام بالفتلة والابرة ثم نسلقه حتى يستوى الفريك