يبدأ الاسكتش والمعلم جالس على كرسي "بيشرب شيشه"، ويدخل الصبي متثائبا وبينما يتثائب يغمض عينيه أثناء المشي ويضع يده على فمه فيصطم بالمعلم ليسقطا بشكل فوضوي.
يقوم المعلم متذمرا وهو يمسك بملابس الصبي: إنت ياد مش بتشوف قدامك ... انت اتعميت .. مش تفتح يا قفل ..
الصبي: معلش يا معلم ...
المعلم: خلاص .. غور .. روح شوف انت كنت رايح فين
الصبي: كنت جاي لك يا معلم!!
المعلم: انت تعرفني؟
الصبي: لأ ... أنا جاي لك من طرف المعلم جمعة علشان تشغلني...
المعلم: أشغلك ؟؟ .. أشغلك فين؟؟
الصبي: معاك في القهوة.. ما أنا بعرف أشتغل كل حاجة
المعلم: آآآه .. طيب، يخرج مفاتيح من جيبه ويناوله الصبي ويقول له: طيب خد افتح القهوة ورص الكراسي..
الصبي مقاطعا وبكل ثقل: يا لهوي يا معلم ... أنا لسة هاخد المفاتيح .. وأوطي أفتح المحل .. وأشيل الكراسي وهيا تقيلة ... وأفضل أرص في الكراسي ..
المعلم مقاطعا بذهول: خلاص خلاص ... امال انت جاي تشتغل إيه ... انت هتقوم لي الدنيا على حاجة بسيطة ...، المعلم ينحني ويفتح القهوة ويخرج كرسيين أو ثلاثة ويضعهما أمام المحل
الصبي: عاوز حاجة تاني يامعلم؟
المعلم: اكنس قدام المحل ورش مية
الصبي: يا لهوي يا معلم ... أنا لسه هجيب المكنسة ... وافضل أكنس الحتة الكبيرة دي كلها ... وأملا الجردل (الدلو) ميه .. وأشيله وهوا تقيل ومليان ... و....
المعلم مقاطعا: .. خلاص خلاص ... أعمل أنا ... ما المعلم جمعة باعت لي مدير مش صبي ..، يقوم المعلم بالكنس ورش الميه.
الصبي:عاوز حاجة تانية يا معلم؟؟
المعلم: تعالى شيلني (ارفعني) علشان أغير اللمبة دي أصلها اتحرقت
الصبي: يا لهوي يا معلم ... أنا لسه هوطي .. وبعدين أشيلك ... وانت أصلا تقيـــل أوي ..
المعلم وهو يمسح وجهه بغيظ: خلاص ... تعالى يا وش الفقر أشيلك أنا ..، ينحني المعلم وييحمل الصبي على كتفيه ثم يناوله اللمبة
المعلم ينتظر قليلا ثم يسأل الصبي: خلاص؟؟
المعلم ثانية: انت خلصت ؟؟ ركبتها؟؟
المعلم بضجر: انت خلصت يالا؟؟
الصبي بكل هدوء: ما اهو انت اللي مش بتلف يا معلم!!.
تحياتي جنه الفردوس
كتبت :
دلوعة حبيبها86
-
ههههههههههههههه تسلم اديكي غاليتي اليوم طالع مراءك عالكوميدي ههههههه
كتبت :
جنه الفردوس ..
-
iiiii هههههههههه انا هيك دائما يا بنتي ما في شي بالحياه يخليني اغضب بالمره العمر واحد والرب واحد وبس هذه قاعده عندي في الحياه ههههههههههههههه
